Eiður: Ræði ekki nýjan samning fyrr en eftir tímabilið í Kína Eiríkur Stefán Ásgeirsson skrifar 8. október 2015 11:59 Eiður Smári Guðjohnsen á æfingu landsliðsins í dag. Vísir/Vilhelm Eiður Smári Guðjohnsen segir óákveðið hvað taki við hjá sér eftir að keppnistímabilinu lýkur í Kína um miðjan næsta mánuð. Samningur hans við Shijiazhuang Ever Bright rennur þá út en hann mun ekki ræða framhaldið fyrr en þá. Eiður Smári er nú staddur hér á landi þar sem að íslenska landsliðið á tvo síðustu leiki sína fram undan í undankeppni EM 2016. Ísland er sem kunnugt er þegar búið að tryggja sæti sitt í lokakeppninni en Eiður segir, eins og aðrir landsliðsmenn, að liðið ætli sér að vinna leikina tvo og tryggja sér efsta sæti riðilins. Ísland mætir Lettlandi á laugardaginn og segir Eiður að undirbúningurinn í vikunni hafi verið svipaður og fyrir aðra leiki hjá þeim Lars Lagerbäck og Heimi Hallgrímssyni landsliðsþjálfurum. „Það er eitt af því sem Lars hefur komið með inn í liðið er að það er mikið um endurtekningar,“ sagði Eiður Smári í samtali við fjölmiðla fyrir æfingu liðsins í morgun. „Við höfum auðvitað líka farið yfir lettneska liðið en heilt yfir er þetta mikil endurtekning, bæði í varnarleik okkar og sóknarleik.“Sjá einnig: Eiður Smári: Ætli EM verði ekki bara að duga Hann segir að það sé erfitt að brjóta lið Lettlands niður, líkt og hafi komið í ljós í leikjum liðsins gegn Tyrklandi og Tékklandi. Lettar hafi breytt leikstíl sínum mikið og orðið þétt varnarlið sem stóli meira á skyndisóknir. „Við þurfum að vera með aðeins annað hugarfar og stjórna leiknum meira en þegar við mætum liðum eins og Hollandi, Tékklandi og Tyrklandi,“ sagði Eiður Smári og bætir við að það sé lítið breytt í kringum landsliðið þó svo að liðið sé nú þegar komið á EM.Vísir/AFPSkiptir máli að spila fyrir framan íslensku þjóðina„Það væri bara vanvirðing að ætla bara að komast í gegnum þessa tvo leiki sem eftir eru. Við ætlum okkur efsta sæti riðilsins og það hefur svo mikið verið fjallað um þriðja styrkleikaflokkinn sem við eigum möguleika á að komast í.“ „En svo skiptir líka máli að spila landsleik fyrir framan íslensku þjóðina. Það hefur sitt að segja.“ Eiður segir að það ríki vitanlega mikil tilhlökkun hjá honum fyrir EM eins og öllum öðrum. „Þetta verður það mikið ævintýri að það er ekki annað hægt að vera spenntur. Eftir því sem nær dregur mun spenningurinn bara magnast.“ Heimsfrétt sem náði til Kína Hann segir að sér hafi vitanlega verið óskað til hamingju þegar hann kom aftur til síns liðs í Kína enda hafi það verið heimsfrétt að jafn lítil þjóð og Ísland hafi komist á stórmót í knattspyrnu. „Sú frétt náði alveg til Kína líka,“ segir hann. Eiður er einn þriggja leikmanna íslenska landsliðsins sem spilar nú í Kína og hefur verið fjallað um löng ferðalög þeirra fyrir og eftir landsleikjaverkefni. „Það hefur gengið mun betur að koma hingað til Evrópu og heim til Íslands en að fara aftur út. Ég lenti í djöfullegu ferðalagi eftir síðasta leik þar sem ég lagði af stað á þriðjudegi en var kominn á endastöð á laugardegi,“ segir hann og brosir. „Ég hef líka verið heppinn með það að ég hef fengið nokkra frídaga áður en ég kem heim og því er öll ferðaþreyta úr sögunni hjá manni þegar maður hittir svo landsliðið.“Sjá einnig: Landkönnuðurinn Eiður SmáriEiður hefur áður greint frá því að það hafi reynt á hann fyrstu vikurnar og mánuðina í Kína en að það hafi svo lagast til muna. Eiður var varamaður í fyrstu sjö leikjum sínum með liðinu en byrjað svo síðustu fjóra hjá Shijiazhuang, sem er í sjötta sæti kínversku deildarinnar. „Sérstaklega hefur síðasti mánuður verið allt annar. Nú veit maður að hverju maður er að ganga - maður þekkir umhverfið og lífið þarna úti. Það er líka mikill munur að ég hef spilað hvern leik upp á síðkastið og það er stærstu parturinn af þessu - að spila fótbolta.“ Engin skýr mynd um framhaldið Hann er samningsbundinn Shijiazhuang til loka tímabilsins og það tekur enda í næsta mánuði. Eiður segir að það hafi verið ákveðið að ræða ekki málin fyrr en að því loknu. „Ég er auðvitað farinn að undirbúa hvað taki við eftir tímabilið en það er engin skýr mynd komin á það. Ég vil sýna liðinu sem ég spila fyrir virðingu og gefa okkur tækifæri til að ræða framhaldið og hvort það sé vilji til að halda samstarfinu áfram.“ Hann segir að það hefði ekki slæm áhrif á undirbúning sinn fyrir EM næsta sumar ef hann myndi taka annað tímabil í Kína.Sjá einnig: Eiður Smári fékk aldrei formlegt samningstilboð frá Bolton „Undirbúningstímabilið hefst í janúar og deildin í mars. Hún verður því í fullum gangi þegar keppnin hefst í Frakklandi. Það gæti líka verði sterkt að taka undirbúningstímabil sex mánuðum fyrir EM og ef til vill gott fyrir gamlan mann eins og mig að leikjaálagið sé ekki of mikið,“ segir hann og brosir. „Það væri því mjög auðvelt að koma mjög ferskur inn í sumarið. Það helsta sem ég þyrfti að skoða væru þessar sex vikur frá því að tímabilinu lýkur þar til að nýtt undirbúningstímabil hefst. Ég gæti tekið mér frí í viku en þyrfti svo að huga að því að koma mér aftur af stað svo að það yrði ekki of langt stopp.“Eiður Smári í leik með íslenska landsliðinu.Vísir/Getty EM 2016 í Frakklandi Fótbolti Mest lesið Guðjohnsen snýr aftur á Brúna: „Sérstakt fyrir mig og pabba“ Fótbolti Maradona verður grafinn upp Fótbolti „Slúðrað og talað um mig í öllum hornum“ Handbolti Finnur til með Ten Hag og býður honum í glas Fótbolti Frumsýna nýja Evróputreyju Fótbolti Gaz-leikur Pavels: Stanslaust djamm gegn bingókvöldi Körfubolti Annað Schumacher-brúðkaup gæti verið í vændum Formúla 1 Henry hélt að Saka yrði ekki það góður Enski boltinn Salah setti met í sigri Liverpool Fótbolti Hætti við að hætta og samdi við Barcelona Fótbolti Fleiri fréttir Bein útsending: Kynningarfundur fyrir úrslitaleikinn Kári með skoðunarferð fyrir Víkinga á Kýpur Frumsýna nýja Evróputreyju Sjáðu glæsimark Duráns, dramatíkina í Leipzig og allt úr Meistaradeildinni Guðjohnsen snýr aftur á Brúna: „Sérstakt fyrir mig og pabba“ Henry hélt að Saka yrði ekki það góður Maradona verður grafinn upp Finnur til með Ten Hag og býður honum í glas Hætti við að hætta og samdi við Barcelona Óvænt tap meistaranna og fimm marka fjör hjá Juventus Salah setti met í sigri Liverpool Ofurvaramaðurinn með ótrúlegt mark til að tryggja Aston Villa sigur Klúðruðu víti og skoruðu tvö sjálfsmörk „Hann er klárlega magnaður þjálfari“ Þúsund Walesverjar í Dalnum og Åge kallar eftir hjálp Snýr aftur heim í KR Kristian ekki spilað nóg en fer í U21 Dæmdi ekki í Meistaradeildinni eftir að hafa hótað að drepa leikmann Ekki ánægður með stöðu Hákons Rafns Enn pláss fyrir Aron sem fer í segulómun Landsliðshópurinn: Sverrir kemur inn og Brynjólfur valinn Hættir við að hætta til að mæta Íslandi Sjáðu markaflóðið úr Meistaradeildinni Sonur Sterlings leiddi Saka út á völlinn Leikmaður City handtekinn fyrir að stela síma Sakar leikmenn United um leti á æfingum Bann og sekt fyrir að kalla fjórða dómara „litla helvítis kuntu“ Slæm höfuðmeiðsli Le Normand eftir áreksturinn við Tchouaméni Dortmund í sjöunda himni | Stórsigrar hjá Barcelona og Inter Öruggt hjá Skyttunum Sjá meira
Eiður Smári Guðjohnsen segir óákveðið hvað taki við hjá sér eftir að keppnistímabilinu lýkur í Kína um miðjan næsta mánuð. Samningur hans við Shijiazhuang Ever Bright rennur þá út en hann mun ekki ræða framhaldið fyrr en þá. Eiður Smári er nú staddur hér á landi þar sem að íslenska landsliðið á tvo síðustu leiki sína fram undan í undankeppni EM 2016. Ísland er sem kunnugt er þegar búið að tryggja sæti sitt í lokakeppninni en Eiður segir, eins og aðrir landsliðsmenn, að liðið ætli sér að vinna leikina tvo og tryggja sér efsta sæti riðilins. Ísland mætir Lettlandi á laugardaginn og segir Eiður að undirbúningurinn í vikunni hafi verið svipaður og fyrir aðra leiki hjá þeim Lars Lagerbäck og Heimi Hallgrímssyni landsliðsþjálfurum. „Það er eitt af því sem Lars hefur komið með inn í liðið er að það er mikið um endurtekningar,“ sagði Eiður Smári í samtali við fjölmiðla fyrir æfingu liðsins í morgun. „Við höfum auðvitað líka farið yfir lettneska liðið en heilt yfir er þetta mikil endurtekning, bæði í varnarleik okkar og sóknarleik.“Sjá einnig: Eiður Smári: Ætli EM verði ekki bara að duga Hann segir að það sé erfitt að brjóta lið Lettlands niður, líkt og hafi komið í ljós í leikjum liðsins gegn Tyrklandi og Tékklandi. Lettar hafi breytt leikstíl sínum mikið og orðið þétt varnarlið sem stóli meira á skyndisóknir. „Við þurfum að vera með aðeins annað hugarfar og stjórna leiknum meira en þegar við mætum liðum eins og Hollandi, Tékklandi og Tyrklandi,“ sagði Eiður Smári og bætir við að það sé lítið breytt í kringum landsliðið þó svo að liðið sé nú þegar komið á EM.Vísir/AFPSkiptir máli að spila fyrir framan íslensku þjóðina„Það væri bara vanvirðing að ætla bara að komast í gegnum þessa tvo leiki sem eftir eru. Við ætlum okkur efsta sæti riðilsins og það hefur svo mikið verið fjallað um þriðja styrkleikaflokkinn sem við eigum möguleika á að komast í.“ „En svo skiptir líka máli að spila landsleik fyrir framan íslensku þjóðina. Það hefur sitt að segja.“ Eiður segir að það ríki vitanlega mikil tilhlökkun hjá honum fyrir EM eins og öllum öðrum. „Þetta verður það mikið ævintýri að það er ekki annað hægt að vera spenntur. Eftir því sem nær dregur mun spenningurinn bara magnast.“ Heimsfrétt sem náði til Kína Hann segir að sér hafi vitanlega verið óskað til hamingju þegar hann kom aftur til síns liðs í Kína enda hafi það verið heimsfrétt að jafn lítil þjóð og Ísland hafi komist á stórmót í knattspyrnu. „Sú frétt náði alveg til Kína líka,“ segir hann. Eiður er einn þriggja leikmanna íslenska landsliðsins sem spilar nú í Kína og hefur verið fjallað um löng ferðalög þeirra fyrir og eftir landsleikjaverkefni. „Það hefur gengið mun betur að koma hingað til Evrópu og heim til Íslands en að fara aftur út. Ég lenti í djöfullegu ferðalagi eftir síðasta leik þar sem ég lagði af stað á þriðjudegi en var kominn á endastöð á laugardegi,“ segir hann og brosir. „Ég hef líka verið heppinn með það að ég hef fengið nokkra frídaga áður en ég kem heim og því er öll ferðaþreyta úr sögunni hjá manni þegar maður hittir svo landsliðið.“Sjá einnig: Landkönnuðurinn Eiður SmáriEiður hefur áður greint frá því að það hafi reynt á hann fyrstu vikurnar og mánuðina í Kína en að það hafi svo lagast til muna. Eiður var varamaður í fyrstu sjö leikjum sínum með liðinu en byrjað svo síðustu fjóra hjá Shijiazhuang, sem er í sjötta sæti kínversku deildarinnar. „Sérstaklega hefur síðasti mánuður verið allt annar. Nú veit maður að hverju maður er að ganga - maður þekkir umhverfið og lífið þarna úti. Það er líka mikill munur að ég hef spilað hvern leik upp á síðkastið og það er stærstu parturinn af þessu - að spila fótbolta.“ Engin skýr mynd um framhaldið Hann er samningsbundinn Shijiazhuang til loka tímabilsins og það tekur enda í næsta mánuði. Eiður segir að það hafi verið ákveðið að ræða ekki málin fyrr en að því loknu. „Ég er auðvitað farinn að undirbúa hvað taki við eftir tímabilið en það er engin skýr mynd komin á það. Ég vil sýna liðinu sem ég spila fyrir virðingu og gefa okkur tækifæri til að ræða framhaldið og hvort það sé vilji til að halda samstarfinu áfram.“ Hann segir að það hefði ekki slæm áhrif á undirbúning sinn fyrir EM næsta sumar ef hann myndi taka annað tímabil í Kína.Sjá einnig: Eiður Smári fékk aldrei formlegt samningstilboð frá Bolton „Undirbúningstímabilið hefst í janúar og deildin í mars. Hún verður því í fullum gangi þegar keppnin hefst í Frakklandi. Það gæti líka verði sterkt að taka undirbúningstímabil sex mánuðum fyrir EM og ef til vill gott fyrir gamlan mann eins og mig að leikjaálagið sé ekki of mikið,“ segir hann og brosir. „Það væri því mjög auðvelt að koma mjög ferskur inn í sumarið. Það helsta sem ég þyrfti að skoða væru þessar sex vikur frá því að tímabilinu lýkur þar til að nýtt undirbúningstímabil hefst. Ég gæti tekið mér frí í viku en þyrfti svo að huga að því að koma mér aftur af stað svo að það yrði ekki of langt stopp.“Eiður Smári í leik með íslenska landsliðinu.Vísir/Getty
EM 2016 í Frakklandi Fótbolti Mest lesið Guðjohnsen snýr aftur á Brúna: „Sérstakt fyrir mig og pabba“ Fótbolti Maradona verður grafinn upp Fótbolti „Slúðrað og talað um mig í öllum hornum“ Handbolti Finnur til með Ten Hag og býður honum í glas Fótbolti Frumsýna nýja Evróputreyju Fótbolti Gaz-leikur Pavels: Stanslaust djamm gegn bingókvöldi Körfubolti Annað Schumacher-brúðkaup gæti verið í vændum Formúla 1 Henry hélt að Saka yrði ekki það góður Enski boltinn Salah setti met í sigri Liverpool Fótbolti Hætti við að hætta og samdi við Barcelona Fótbolti Fleiri fréttir Bein útsending: Kynningarfundur fyrir úrslitaleikinn Kári með skoðunarferð fyrir Víkinga á Kýpur Frumsýna nýja Evróputreyju Sjáðu glæsimark Duráns, dramatíkina í Leipzig og allt úr Meistaradeildinni Guðjohnsen snýr aftur á Brúna: „Sérstakt fyrir mig og pabba“ Henry hélt að Saka yrði ekki það góður Maradona verður grafinn upp Finnur til með Ten Hag og býður honum í glas Hætti við að hætta og samdi við Barcelona Óvænt tap meistaranna og fimm marka fjör hjá Juventus Salah setti met í sigri Liverpool Ofurvaramaðurinn með ótrúlegt mark til að tryggja Aston Villa sigur Klúðruðu víti og skoruðu tvö sjálfsmörk „Hann er klárlega magnaður þjálfari“ Þúsund Walesverjar í Dalnum og Åge kallar eftir hjálp Snýr aftur heim í KR Kristian ekki spilað nóg en fer í U21 Dæmdi ekki í Meistaradeildinni eftir að hafa hótað að drepa leikmann Ekki ánægður með stöðu Hákons Rafns Enn pláss fyrir Aron sem fer í segulómun Landsliðshópurinn: Sverrir kemur inn og Brynjólfur valinn Hættir við að hætta til að mæta Íslandi Sjáðu markaflóðið úr Meistaradeildinni Sonur Sterlings leiddi Saka út á völlinn Leikmaður City handtekinn fyrir að stela síma Sakar leikmenn United um leti á æfingum Bann og sekt fyrir að kalla fjórða dómara „litla helvítis kuntu“ Slæm höfuðmeiðsli Le Normand eftir áreksturinn við Tchouaméni Dortmund í sjöunda himni | Stórsigrar hjá Barcelona og Inter Öruggt hjá Skyttunum Sjá meira