Fullkomið tímabil hjá Rosenborg | Hólmar og Matthías bikarmeistarar

Rosenborg varð í dag norskur bikarmeistari eftir frábæran 2 – 0 sigur á Sarpsborg á Ullevaal vellinum í Osló.

Hólmar Örn Eyjólfsson lék allan leikinn fyrir Rosenborg í hjarta varnarinnar en Matthías Vilhjálmsson var aftur á móti allan leikinn á bekknum.

Paal Andre Helland skoraði fyrsta mark leiksins eftir um tuttugu mínútna leik og það var síðan Mike Jensen sem skoraði annað mark liðsins rétt fyrir lok fyrri hálfleiks.

Rosenborg er því tvöfaldur meistari en liðið tryggði sér norska titilinn á dögunum.