Útlitið svart fyrir Emil og félaga | Töpuðu fyrir Napoli

Napoli hafði betur gegn Emil Hallfreðssyni og félögum í Hellas Verona í ítölsku seríu A-deildinni í knattspyrnu í dag en leikurinn fór 2-0 fyrir gestunum.

Lorenzo Insigne skoraði fyrsta mark leiksins rúmlega tuttugu mínútum fyrir leikslok.

Það var síðan Gonzalo Higuain sem gerði annað mark Napoli aðeins fimm mínútum síðar. Emil lék allan leikinn fyrir Verona. 

Napoli er í efsta sæti deildarinnar með 28 stig en Hellas Verona í því næst neðsta með aðeins sex stig. Útlitið því mjög dökkt fyrir þá.