Innlent

Mannlaust hús fauk í heilu lagi á Patreksfirði

Birgir Olgeirsson skrifar
Frá Patreksfirði í nótt.
Frá Patreksfirði í nótt. Mynd/Jónas Þrastarson
Versta veðrið á landinu um þessar stundir er á Vestfjörðum og á Patreksfirði fauk mannlaust hús í heilu lagi á fimmta tímanum í nótt. Húsið var orðið gamalt og illa farið að sögn lögreglunnar á Ísafirði og fór brak úr því á tvö önnur hús í nágrenninu. Í þeim brotnuðu nokkrar rúður en engum hefur orðið meint af í hamaganginum.

Spáð er stormi á Vestfjörðum fram eftir hádegi og verður komið bærilegasta veður þar undir kvöld.

Veður

Tengdar fréttir

Strætó kemst ekki á rétt ról fyrr en um hálf níu

Strætó mun ekki hefja akstur samkvæmt leiðakerfi strax núna í morgunsárið. Í tilkynningu frá Strætó segir að mesti vindur eigi að vera genginn yfir um kl.08 og verða vagnarnir komnir á rétt ról um kl.08:30 samkvæmt leiðakerfi.

Upplýsingar um skólahald

Skólahald raskast víða vegna veðurs og þá verða sumir skólar lokaðir.

Mest lesið


Fleiri fréttir

Sjá meira


×

Mest lesið