Misjafnt gengi hjá Valdísi og Ólafíu

Kylfingarnir Valdís Þóra Jónsdóttir og Ólafía Þórunn Kristinsdóttir léku í dag fyrsta hringinn á lokaúrtökumótinu fyrir Evrópumótaröðina.

Valdís Þóra átti skrautlegan hring en kom að lokum í hús á tveimur höggum undir pari. Ólafía Þórunn fann sig aftur á móti ekki og kom í hús á tveimur höggum yfir pari.

Valdís er í 25.-35. sæti en Ólafía er í 74.-83. sæti.

Mótið fer fram á tveimur keppnisvöllum í Marokkó. Alls verða leiknir fimm 18 holu hringir og aðeins 60 kylfingar af 120 leika síðasta hringinn. 30 kylfingar munu svo fá passann á Evrópumótaröðina.

Besta skorið í dag var fimm högg undir pari.