Mjög mikil hálka á Reykjanesi

„Mjög, mjög mikil“ hálka er nú á Reykjanesbrautinni við innri Njarðvík, samkvæmt lögreglunni og hafa bílar verið að enda utan vegar. Lögreglan biður vegfarendur um að fara varlega. Þrír bílar fóru veltu á stuttum vegakafla á milli afleggjarans til Voga og Vatnsleysustrandar og Keflavíkur.

Starfsmenn Brunavarna Suðurnesja hafa farið á þremur sjúkrabílum á Reykjanesbrautina þar sem þeir eru nú að störfum. Minnst fjórir bílar hafa endað utan vegar vegna mikillar ísingar.

Engin alvarleg slys urðu á fólki, en einherjir voru færðir undir læknishendur til skoðunnar.

Mikil hálka er á Reykjanesbraut við Innri Njarðvík og eru nokkur umferðaróhöpp í gangi þar nú. Fólk sem á þar leið um er beðið um að hafa varann á og keyra rólega!

Posted by Lögreglustjórinn á Suðurnesjum on Friday, December 18, 2015