Hiti nær tólf stigum í höfuðborginni í dag

Hitinn verður allt að tólf stig þegar best lætur á suðvesturhorninu í dag og á morgun. Kaldara verður víðast hvar annars staðar á landinu en víðasta hvar sólríkt.

Reikna má með því að bekkurinn verði þéttskipaður í sundlaugum landsins í dag og morgun enda landsmenn þekktir fyrir að sækja í laugarnar þegar að sólin mætir í heimsókn.

Skýjað verður með köflum austanlands, en léttskýjað norðantil á landinu. Hiti verður 1 til 12 stig yfir daginn, hlýjast á SV-verðu landinu. Frost 1 til 8 stig á NA- og A-landi í nótt.

Á þriðjudag:

Norðan 8-13 m/s og stöku él austast, annars hægari vindur og skýjað með köflum. Hiti víða 5 til 10 stig að deginum, en kringum frostmark NA-til.

Á miðvikudag:

Norðan 8-13 m/s og él, frost 0 til 5 stig. Þurrt og bjart veður SV-til á landinu, hiti 2 til 7 stig en frystir um kvöldið.

Á fimmtudag:

Norðan 8-13 m/s og snjókoma, einkum NA-lands. Vægt frost. Þurrt að mestu á S- og V-landi, hiti 1 til 6 stig að deginum.

Á föstudag:

Norðanátt og víða bjart veður, en slydda eða snjókoma A-lands fram eftir degi. Heldur hlýnandi.

Á laugardag:

Norðanátt og skýjað en úrkomulítið, en léttskýjað S-lands. Hiti 0 til 10 stig, hlýjast syðst.

Á sunnudag:

Hæg breytileg átt og skýjað með köflum.