Hannes fékk á sig fjögur mörk

Landsliðsmarkvörðurinn Hannes Þór Halldórsson mátti hirða boltann úr eigin neti fjórum sinnum er lið hans, Bodö/Glimt, tapaði fyrir Haugesund í norsku úrvalsdeildinni í kvöld, 4-3.

Sigur Haugesund var dramatískur en í stöðunni 3-2 fékk Bodö/Glimt vítaspyrnu sem ekki náði að nýta. Haugesund jafnaði metin á 77. mínútu og skoraði svo sigurmark leiksins í uppbótartíma.

Björn Daníel Sverrisson var í liði Viking sem tapaði fyrir Brann á heimavelli, 1-0.

Odd er á toppnum í norsku deildinni með fjórtán stig en liðið vann Sogndal, 1-0, í kvöld. Viking er í sjöunda sætinu með tíu stig og Bodö/Glimt í því áttunda með sjö en liðið hefur tapað síðustu þremur leikjum sínum.