Sló golfkúlu í aðdáanda en baðst afsökunar með blómum og súkkulaði

Bandaríski kylfingurinn Tony Finau leysti afar vel úr snúinni stöðu um helgina.

Á laugardaginn varð stúlka að nafni Elisa Butler fyrir því óláni að fá golfkúlu í höfuðið eftir misheppnað högg frá Finau á móti í Texas.

Sauma þurfti nokkur spor í höfuð Butler en henni varð sem betur fer ekki meint af högginu.

Hún fékk svo óvænta heimsókn þegar Finau birtist á þröskuldinum heima hjá henni með blóm og súkkulaði.

Butler birti myndir af þeim á Instagram og sagði að Finau hefði eignast nýjan aðdáanda.