Sport

Baulað á Solo í Brasilíu

Henry Birgir Gunnarsson skrifar
Solo í leiknum í gær en þá hélt hún áfram að bæta heimsmet sitt og hélt hreinu í leik númer 102 á ferlinum.
Solo í leiknum í gær en þá hélt hún áfram að bæta heimsmet sitt og hélt hreinu í leik númer 102 á ferlinum. vísir/getty
Bandaríski landsliðsmarkvörðurinn Hope Solo fékk að heyra það frá brasilískum áhorfendum í gær.

Þá hóf bandaríska liðið leik á Ólympíuleikunum. Liðið lagði Nýja-Sjáland, 2-0.

Áhorfendur bauluðu í hvert einasta skipti sem hún hafði boltann og virtist það koma Solo á óvart. Hún sagðist ekkert hafa skilið í því af hverju verið væri að baula á sig.

Ástæðan er mynd sem hún setti á Twitter og Instagram í síðasta mánuði. Þá er hún með moskítónet um hausinn og skordýraeitur í hendinni.

Brasilíumönnum þótti þetta argasti dónaskapur og var mikið fjallað um myndina í brasilískum fjölmiðlum. Þó svo Solo hafi beðist afsökunar um daginn þá virtist það ekki duga því hún fékk að heyra það.

Ólympíuleikar 2016 í Ríó

Mest lesið


Fleiri fréttir

Sjá meira


×

Mest lesið