Atli gengur til liðs við Gagarín

Grafíski hönnuðurinn Atli Hilmarsson hefur gengið til liðs við Gagarín.

Í tilkynningu frá Gagarín segir að Atli hafi unnið sem hönnuður fyrir mörg heimsþekkt fyrirtæki og vörumerki auk þess sem hann reki sína eigin stofu, Vinnustofu Atla Hilmarssonar.

„Atli lauk BA-námi frá Parsons, New York og MA-námi frá Kunstgewerbeschüle (Basel School of Design), Basel. Eftir námið vann hann í nokkur ár í Þýskalandi m.a. hjá Meta Design og KMS-Team.

Atli hefur verið stundakennari á Íslandi, í Þýskalandi og Austurríki frá árinu 1994,“ segir í tilkynningunni.