Air Canada flýgur til Íslands í sumar

Kanadíska flugfélagið Air Canada tilkynnti í dag að það myndi hefja flugferðir til Íslands í sumar frá Toronto og Montreal.

Frá þessu er greint í fréttatilkynningu frá flugfélaginu en þar segir að flogið verði fjórum sinnum í viku frá Toronto og þrisvar í viku frá Montreal.

Áætlanir Air Canada eru þó háðar samþykki flugmálayfirvalda að því er segir í fréttatilkynningunni.

„Ísland er nýr og spennandi áfangastaður sem verður æ vinsælli,“ segir Benjamin Smith, forstjóri Air Canada. „Við hlökkum til að fljúga til land íss og elds í sumar.“

Air Canada er stærsta flugfélag Kanada og flýgur til rúmlega 200 áfangastaða víðsvegar um heim en flugfélagið er meðal 20 stærstu flugfélaga heimsins.

Fyrir fljúga íslensku flugfélögin WOW air og Icelandair til Kanada en bæði fljúga þau beint til Montreal og Toronto.