Birnir og Ægir æfa með liðinu hans Arons

Fjölnismennirnir ungu og efnilegu Birnir Snær Ingason og Ægir Jarl Jónasson halda til Tromsö næsta sunnudag þar sem þeir munu æfa með norska úrvalsdeildarliðinu í viku.

Birnir Snær, sem er 21 árs, lék 15 leiki með Fjölni í Pepsi-deildinni í fyrra og skoraði þrjú mörk.

Ægir Jarl, sem varð 19 ára í gær, kom við sögu í 14 leikjum í fyrra en náði ekki að skora.

Birnir Snær og Ægir Jarl framlengdu samninga sína við Fjölni á dögunum.

Hjá Tromsö hitta þeir fyrir Fjölnismanninn Aron Sigurðarson sem er á sínu öðru tímabili hjá liðinu.