WOW air flutti 201 þúsund farþega til og frá landinu í mars eða um 155 prósent fleiri farþega en í mars á síðasta ári. Þá var sætanýting WOW air 91,6 prósent í mars í ár sem er nálægt þriggja prósentustiga aukning á milli ára.
Sætanýtingin jókst þrátt fyrir 212 prósent aukningu á framboðnum sætakílómetrum miðað við sama tímabil í fyrra.
Það sem af er ári hefur WOW air flutt um 539 þúsund farþega en það er 180 prósent aukning farþega á sama tímabili frá árinu áður.
„Það er ánægjulegt að sjá hversu vel gengur að fjölga ferðamönnum til Íslands yfir vetrarmánuðina en það skiptir máli fyrir ferðaþjónustuna í landinu að álagið dreifist jafnt og þétt yfir alla mánuði ársins,“ er haft eftir Skúla Mogensen forstjóra WOW air í tilkynningu frá félaginu.
Mikil aukning milli ára hjá Wow
Tengdar fréttir
Skúli stefnir á tvöföldun með stærstu flugvélapöntun WOW
WOW-air hefur tilkynnt um stærstu flugvélapöntun í sögu félagsins; sjö nýjar Airbus-þotur, þar af fjórar breiðþotur sem draga til Asíu.
