Frábær endir hjá Binna bolta í hornspyrnukeppninni í kvöld | Myndband

Hornspyrnukeppni Teigsins á Stöð 2 Sport hélt áfram í kvöld og næstir að spreyta sig voru sjálfir FH-banarnir úr Grafarvoginum.

Fjölnismenn hafa verið að gera góða hluti í upphafi Pepsi-deildarinnar og fulltrúar þeirra í Hornspyrnukeppni Pepsi-deildar liðanna voru þeir Birnir Snær Ingason, Ægir Jarl Jónasson og markvörðurinn Jökull Blængsson.

Sumir Fjölnismenn áttu í smá basli, við nefnum engin nöfn en hann spilar númer 10, en Birnir Snær Ingason, stundum kallaður Binni bolti, kom sínum mönnum til bjargar í lokin.

Hér að ofan má sjá hvernig Fjölnismönnum gekk í kvöld.