Bandaríkin gerðu jafntefli í Gullbikarnum

Bandaríska landsliðið í fótbolta gerði 1-1 jafntefli við Panama í Gullbikarnum í gær. Þetta var í fyrsta skipti sem Bandaríkjunum tekst ekki að vinna opnunarleik sinn í Gullbikarnum.

Gullbikarinn er álfukeppni Ameríkulanda og er haldinn af CONCACAF, knattspyrnusambandi Norður- og Mið Ameríku og Karíbahafsins. Keppnin í ár er haldin í Bandaríkjunum.

Bandaríkjamenn hafa unnið keppnina fimm sinnum en Mexíkó hefur unnið oftast allra, eða sjö sinnum.

Liðið spilaði ekki vel í gær og var markmaður liðsins, Brad Guzan, maður leiksins. Það var að miklu leiti honum að þakka að Bandaríkjamenn töpuðu ekki leiknum í gær. 

Kellyn Acosta, leikmaður Bandaríkjanna, var óánægður með spilamennsku liðsfélaga sinna og tísti að frammistaðan hafi verið ömurleg.

Crap performance..Has to be better.. Thanks for the support as always!

— Kellyn Acosta (@KellynAcosta) July 8, 2017

Aron Jóhannsson komst ekki í leikmannahóp Bandaríska landsliðsins fyrir mótið.