Ekkert stöðvar PSG

Ef fram heldur sem horfir verða yfirburðir PSG í frönsku deildinni miklir í vetur.

PSG valtaði yfir Saint-Etienne, 3-0, í kvöld og er búið að vinna fjóra fyrstu leiki sína í vetur með yfirburðum.

Brasilíumaðurinn Neymar hafði óvenju hægt um sig í kvöld og hvorki skoraði né lagði upp mark að þessu sinni.

Slíkt hið sama verður ekki sagt um Edinson Cavani sem skoraði tvö mörk í kvöld og er búinn að skora 40 mörk í síðustu 39 leikjum sínum með félaginu.

Thiago Motta komst einnig á blað hjá PSG í kvöld.