Rigning í kvöld og 18 stiga hiti

Veðurstofan gerir ráð fyrir því að hiti geti farið allt upp í 18 stig í dag í hægum vindi.

Það verður skýjað með köflum og víða þokuloft við sjávarsíðuna, einkum í golu við Faxaflóa seinnipartinn. Þá er jafnframt gert ráð fyrir því að það verið skýjað með köful á morgun en þó gæti verið víða bjart í innsveitum norðanlands.

Það mun ganga í suðaustan 5 til 13 metra á sekúndu og verður hvassast á suðvesturhorninu. Veðurstofan ætlar að sama skapi að það taki að rigna vestast á landinu.

Hiti verður á bilinu 8 til 18 stig, hlýjast í innsveitum. Nánar á veðurvef Vísis

Veðurhorfur á landinu næstu daga

Á föstudag:

Suðaustan eða sunnan 3-10 og skýjað en úrkomulítið. Bjart með köflum á Norður- og Austurlandi. Hiti víða 10 til 16 stig. 

Á laugardag:

Suðaustan eða sunnan 5-10 og rigning, en þurrt að mestu NA-lands. Hiti breytist lítið. 

Á sunnudag:

Breytileg átt 5-10 og rigning með köflum. Hiti 8 til 15 stig. 

Á mánudag:

Vaxandi norðlæg átt og víða rigning, en bjart með köflum sunnanlands. Hiti 7 til 14 stig, hlýjast suðvestantil. 

Á þriðjudag:

Nokkuð stíf norðlæg átt með rigningu norðaustantil í fyrstu, en birtir til er líður á daginn. Hiti breytist lítið. 

Á miðvikudag:

Útlit fyrir hæga suðvestanátt, og bjartviðri austantil, annars skýjað en þurrt. Heldur hlýnandi.