Hafsteinn yfirgefur ÍBV

Hafsteinn Briem er farinn frá ÍBV eftir þriggja ára veru hjá félaginu. Hann greindi frá þessu á Instagram í dag.

Hafsteinn gekk til liðs við ÍBV eftir tímabilið 2014. Hann var í stóru hlutverki hjá Eyjaliðinu og var besti leikmaður þess í fyrrasumar. Hafsteinn varð bikarmeistari með ÍBV á síðasta tímabili.

„Mig langar að þakka Eyjamönnum fyrir minn tíma þar. Mjög þakklátur fyrir að hafa fengið tækifæri á að spila fyrir jafn einstakt félag og ÍBV er. Framtíðin er björt í Eyjum,“ skrifar Hafsteinn á Instagram. Hann lék alls 66 deildar- og bikarleiki fyrir ÍBV og skoraði átta mörk.

Hafsteinn, sem er 26 ára, hefur einnig leikið með HK, Val, Haukum og Fram.

ÍBV endaði í 9. sæti Pepsi-deildarinnar á síðasta tímabili.

Mig langar að þakka Eyjamönnum fyrir minn tíma þar. Mjög þakklátur fyrir að hafa fengið tækifæri á að spila fyrir jafn einstakt félag og ÍBV er. Framtíðin er björt í Eyjum

A post shared by Hafsteinn Briem (@hafsteinnbriem) on Oct 17, 2017 at 6:22am PDT