Rúnar Alex vann Hannes

Íslensku landsliðsmarkverðirnir Rúnar Alex Rúnarsson og Hannes Halldórsson áttust við í dönsku úrvalsdeildinni í fótbolta í dag.

Báðir þurftu þeir að sækja boltann nokkrum sinnum í mark sitt í dag, en Nordsjælland fór með 3-2 sigur í leiknum.

Randers missti tvo menn út af, en Bashkim Kadrii fékk sitt annað gula spjald á 83. mínútu og Mads Agesen fékk beint rautt spjald á fjórðu mínútu uppbótartímans.

Nordsjælland er á toppi deildarinnar, en Randers er á hinum endanum, í botnsætinu með sjö stig eftir 12 leiki.