Arnar verður aðstoðarmaður Loga hjá Víkingum

Arnar Gunnlaugsson verður aðstoðarmaður Loga Ólafssonar hjá Víkingum í Reykjavík en hann tekur við stöðunni af Bjarna Guðjónssyni sem fór nýlega úr þjálfarateymi Víkings yfir til KR á ný.

Arnar er öllum íslenskum knattspyrnuáhugamönnum kunnugur en hann lék á sínum tíma í fjölmörg ár í atvinnumennsku, þ.á.m. í ensku úrvalsdeildinni en hann á einnig að baki 32 landsleiki fyrir Íslands hönd.

Hefur hann verið aðstoðarþjálfari hjá KR undanfarna átján mánuði en hann bættist við þjálfarateymið er Bjarni Guðjónsson stýrði liði KR í júlí 2016.

Stuttu síðar var Bjarna sagt upp og tók Willum Þór Þórsson við liðinu en Arnar var honum til aðstoðar á nýafstöðnu tímabili.

Eftir að Willum ákvað að hætta með KR hætti Arnar störfum hjá félaginu en Rúnar Kristinsson tók síðar við liðinu og réð þá Bjarna og Kristján Finnbogason sér til aðstoðar.

Arnar tekur því stöðu Bjarna sem aðstoðarþjálfari Loga hjá Víkingum.