Líklega stysti blaðamannafundur sögunnar | Myndband

Leikstjórnandi NFL-liðsins Houston Texans, Tom Savage, var maður fárra orða eftir leikinn gegn Baltimore Ravens síðastliðna nótt.

Hann labbaði inn í blaðamannafundarherbergið. Dró andann tvisvar upp í pontu og labbaði svo út aftur. Blaðamannafundur hans stóð því yfir í um þrjár sekúndur.

Er hann kom til að hitta blaðamenn voru fáir eftir í herberginu og enginn þeirra stökk til með spurningu á þessum skamma tíma. Savage nýtti tækifærið og stökk út.

Hann var líka ekki í neinu spariskapi eftir að hafa tapað leiknum þar sem hann gat ekki neitt og kastaði boltanum tvisvar sinnum frá sér.

Tom Savage's postgame press conference, in its entirety pic.twitter.com/SKUtJho2di

— Sports Illustrated (@SInow) November 28, 2017