Aðalmeðferð í Hagamelsmálinu: Gaf í skyn að Sanita hefði ekki fengið nægjanlega aðstoð á sjúkrahúsi Birgir Olgeirsson skrifar 21. mars 2018 11:38 Khaled hefur setið í gæsluvarðhaldi síðan hann var handtekinn í september. Hér mætir hann í dómsal í morgun. Vísir/Rakel Aðalmeðferð í Hagamelsmálinu svokallaða hófst í Héraðsdómi Reykjavíkur í morgun. Þar er Khaled Cairo, 39 ára gamall Jemeni, ákærður fyrir að hafa banað Sanitu Brauna á heimili hennar á Hagamel í Vesturbæ Reykjavíkur þann 21. september síðastliðinn. Khaled neitaði sök við þingfestingu en Khaled hefur setið í gæsluvarðhaldi síðan hann var handtekinn á vettvangi glæpsins. Í gæsluvarðhaldsúrskurði yfir Khaled kom fram að vitni hafi komið að honum á vettangi, séð hann slá Sanitu endurtekið í höfuðið og hótað vitninu lífláti ef hann færi ekki af vettvangi. Í greinargerð lögreglu, sem birtist með gæsluvarðhaldsúrskurði yfir Khaled, kom fram að Khaled hefði staðið á gangi íbúðarinnar á Hagamel þegar lögregla mætti. Sanita lá blóðug á grúfu á gólfinu. Tæplega tíu kílóa slökkvitæki hafi staðið á gólfinu, rétt við höfuð brotaþola, og verið blóðugt. Khaled hafi staðið yfir konunni, aðeins klæddur í nærbuxur og verið mikið blóðugur.Í ákærunni á hendur Cairo kemur fram að maðurinn hafi veist með ofbeldi að Sanitu og slegið hana ítrekað í andlit og höfuð með tveimur til þremur glerflöskum sem og slökkvitæki sem vó tæp 10 kíló. Þá á hann að hafa hert kröftulega að hálsi hennar með þeim afleiðingum að Sanita lést vegna skerts blóðstreymis til heila. Fram hefur komið að maðurinn játaði í yfirheyrslum hjá lögreglu að hafa veist að Sanitu og meðal annars veitt henni höfuðhögg með slökkvitæki. Sanita var 44 ára gömul og frá Lettlandi. Hún lét eftir sig þrjú börn og foreldra. Í ákæru eru gerðar kröfur um miskabætur, annars vegar af hálfu foreldra hennar og hins vegar af hálfu barna hennar. Hljóða miskabótakröfurnar upp á samtals 15 milljónir króna. Khaled er ákærður fyrir brot á 211. grein almennra hegningarlaga þar sem lágmarksrefsing er fimm ára fangelsi en þyngsta refsing ævilangt fangelsi. Hér á landi er algengast að menn séu dæmdir í 16 ára fangelsi fyrir manndráp.Kolbrún Benediktsdóttir varahéraðssaksóknari sækir málið.Vísir/RakelGat ekki munað meðan hann er „venjulegur maður" Í héraðsdómi í morgun sagðist Khaled ekki muna vel eftir atburðum kvöldið sem Sanita dó. Sagðist hann hafa misst vitið þegar hann varð þess áskynja að Sanita væri að hitta annan mann. Sagðist Khaled muna illa eftir því hvað gerðist, það væri falið djúpt í huga hans og ekki hægt að nálgast þá minningu á meðan hann væri „venjulegur maður” og þyrfti aðstoð sálfræðings til að nálgast hana. Khaled sagðist hafa kynnst Sanitu í gegnum netið. Þau hafi hist einu sinni í perónu þar sem þau sváfu saman en ekki aftur. Hann sagðist hafa reynt að fá að hitta hana aftur en Sanita svarað skilaboðum hans á þann veg að hún væri upptekin og gæti ekki hitt hann. Kvöldið sem Sanita dó sagðist Khaled hafa verið að bíða eftir strætó í strætóbiðskýli rétt við hús Sanitu á Hagamel. Hann hafði samband við Sanitu sem svaraði honum ekki. Sagði Khaled að hann hefði séð á síma sínum að Sanita hefði séð skilaboðin hans en ekki svarað honum. Hann sagðist hafa tekið þá ákvörðun að fara að íbúð hennar því hann hefði verið illa klæddur og var kalt. Nágranni hleypti Khaled inn í húsið og leitaði að Sanitu í íbúð hennar. Hann hitti loks Sanitu eftir að hafa séð skilaboð sem henni hafði borist frá „svörtum manni” frá Afríku. Hann spurði Sanitu hver þetta væri en hún sagðist ekki geta sagt honum það og að Khaled yrði að fara. Khaled sagðist hafa séð vínflöskur rétt við gluggann í herbergi Sanitu og byrjað að drekka. Hann sagði vínið hafa verið sterkt og hann ekki vanur að drekka svo mikið. Hann sagðist hafa verið reiður og átt erfitt með að stjórna skapi sínu.Vilhjálmur H. Vilhjálmsson er verjandi ákærða.Vísir/RakelSagði Sanitu hafa brotið hjarta sitt Sagði hann Sanitu hafa hlegið þegar hann spurði hvort hún ætti annan kærasta og sagði hana hafa brotið hjarta sitt með því að látast elska hann. „Hún er ekki með manntilfinningar,” hafði túlkur eftir Khaled í réttarsal. Khaled sagðist hafa reynt að sannfæra Sanitu um að hann mætti vera hjá henni í nótt og sagðist ekki hafa trúað því að hún væri að fara að hitta annan mann. Hann sagði Sanitu hafa „töfrað” sig og að hann gæti ekki hætt að hugsa um hana. Dyrnar hefðu í þann mund opnast þar sem annar maður gekk inn í íbúðina. Sagðist Khaled ekki muna eftir miklu frá þeim tímapunkti því hann hafi misst stjórn á skapi sínu. Sagðist hann aðeins muna eftir brotum en vissi ekki hvað af því væri rétt. Hann sagði að minningarnar væru djúpt inni í höfði sér og ómögulegt að nálgast þær með skýrum hætti á meðan hann væri venjulegur maður. Sagði hann að kalla þyrfti til sálfræðing til að nálgast þær minningar. Hann sagði allt þetta hafa gerst án þess að hann gæti stjórnað hugsunum sínum sem voru fullar af tilfinningum á borð við ást, reiði og afbrýðisemi. Þá sagðist hann hafa drukkið vín og hefði verið svangur enda ekki búinn að borða. Saksóknari spurði hvort einhver annar en Khaled hefði geta hafa veitt Sanitu áverka. Khaled sagðist ekki vita það en kannski hafi maðurinn frá Afríku einnig verið afbrýðisamur. Vísaði hann til mannsins sem gekk inn í herbergið. Sagðist Khaled hafa skynjað afbrýðisemi í spurningu þess efnist hver Khaled væri.Fjölmennt er í dómsal í dag en þar fylgjast laganemar með gangi mála.Vísir/RakelSagði Sanitu ekki hafa fengið þá hjálp sem hún átti að fá Spurður hvort að áverkarnir sem Khaled á að hafa veitt Sanitu hafi dregið hana til dauða sagðist Khaled ekki vita það. Gaf Khaled það í skyn að ekki hafi verið nægjanlega færir sérfræðingar á sjúkrahúsinu þar sem hún lét lífið. Hann sagði það alls ekki þannig að Ísland væri með allt best í þjónustu. Hann sagðist hafa rætt við sálfræðing nýlega sem sagði að enginn hefði getað bjargað lífi Sanitu og sagði Khaled það þýða að Sanita hefði ekki fengið þá þjónustu sem hun átti að fá. „Það var enginn sérfræðingur að sjá um hana,” sagði Khaled. Hann sagðist hafa verið spreyjaður með piparúða á vettvangi. Sagði Khaled það vel geta verið að eitthvað af þeim piparúða hafi farið í höfuðáverka Sanitu og það sé mögulega ástæðan fyrir því að hún sé dáin.Frá vettvangi við Hagamel 21. september síðastliðinn.VísirSagðist trúa á ást við fyrstu sýn Spurður út í samband sitt við Sanitu sagðist hann hafa kynnst henni tveimur mánuðum fyrir kvöldið sem Sanita dó. Þau kynntust á netinu og viku síðar hafi þau hist heima hjá henni þar sem þau sváfu saman. Sagði Khaled Sanitu hafa forðast hann eftir það og sagst ekki geta hitt hann vegna anna. Khaled var á því að að hann hefði orðið ástfanginn af henni og það hefði verið ást við fyrstu sýn, sem hann sagðist trúa á. Vildi hann meina að Sanita hefði í eitt sinn kynnt hann sem kærasta sinn og þess vegna taldi hann sig hafa verið velkominn á heimili hennar kvöldið sem Sanita dó. Þegar hann var spurður hvort að húðlitur mannsins sem Sanita ætlaði hitta kvöldið sem dó, hefði haft áhrif á afbrýðisemi hans sagðist Khaled fylgjast með fréttum og heyrt af karlmanni frá Nígeríu sem hefði verið grunaður um að smita konur á Íslandi af HIV. „Ég er að fylgjast með fréttir og er að fylgjast með allt.”Khaled á leið í dómsal í morgun.Vísir/RakelStillti sér upp albóðugur líkt og módel Fyrir dóm var kallaður til vitnis læknir sem sá um réttarfarsskoðun á Khaled, kvöldið sem umræddir atburðir áttu sér stað. Læknirinn sem framkvæmdi réttarfarsskoðunin sagði léttúðina í framkomu Khlaeds hafa slegið sig þar sem hann fíflaðist á meðan lögreglumenn tóku myndir af honum og virtist stilla sér upp sem módel á nærbuxunum einum saman á meðan hann var blóðugur frá toppi til táar. Sagði læknirinn þetta óvenjulegt miðað við það sem hann eigi að venjast. Sagði hann Khaled hafa spurt sig hvort að Sanita væri látin og hefði talað um „The black man” og virst gefa í skyn að Sanita ætti ekki gott skilið fyrir að eiga annan vin. Lokað var fyrir ummæli við fréttina. Manndráp á Hagamel Tengdar fréttir Trylltist þegar hann komst að samskiptum við aðra karlmenn Nágranni hleypti Khaled inn í sameignina í risinu á Hagamel. Þar skoðaði Khaled tölvu Sanitu og missti í framhaldinu stjórn á skapi sínu. 23. febrúar 2018 09:15 Mest lesið Tveir reyndust í skotti bíls Innlent Harður þriggja bíla árekstur á Suðurlandsvegi Innlent Mannekla bindur hendur héraðssaksóknara í samráðsmáli Innlent Ríkisstjórnarflokkarnir mælast með tuttugu prósenta fylgi Innlent Erfitt að setja tölu á hve margir vilji stjórnarslit Innlent Munu ekki láta af herferð vegna launaþjófnaðarins Innlent Munu hlýða kröfu landsfundar verði tillaga um stjórnarslit samþykkt Innlent Orlof húsmæðra: Barn síns tíma eða liður í jafnrétti? Innlent Ákveðinn hópur hafi unnið að niðurstöðunni undir yfirborðinu Innlent Tveir stórir skjálftar í Bárðarbunguöskjunni Innlent Fleiri fréttir Fannst hann þvingaður til að afsala sér hundinum Biskup Íslands predikar í Vík á 90 ára afmæli kirkjunnar Erfitt að setja tölu á hve margir vilji stjórnarslit Harður þriggja bíla árekstur á Suðurlandsvegi Landsfundur ræðir stjórnarslit og nýjum reglum um blóðgjöf fagnað Tveir stórir skjálftar í Bárðarbunguöskjunni Ríkisstjórnarflokkarnir mælast með tuttugu prósenta fylgi Þorgerður Katrín: Enginn ráðskonurass undir fólki í Viðreisn Tveir reyndust í skotti bíls Mannekla bindur hendur héraðssaksóknara í samráðsmáli Kertavaka til minningar um konur sem hafa dáið vegna kynbundins ofbeldis Munu hlýða kröfu landsfundar verði tillaga um stjórnarslit samþykkt Munu ekki láta af herferð vegna launaþjófnaðarins Orlof húsmæðra: Barn síns tíma eða liður í jafnrétti? Ákveðinn hópur hafi unnið að niðurstöðunni undir yfirborðinu „Öllum ljóst að Ölfusárbrú verði að rísa“ Loksins mega hommar gefa blóð Blóðgjöf samkynhneigðra karla leyfð og ósáttar húsmæður Fimm bíla árekstur á Vesturlandsvegi Nefndin deili ekki við þá sem gagnrýna hana á „mis málefnalegan hátt“ Bein útsending: Ávarp fráfarandi formanns Vinstri grænna Nágrannaerjur í Kópavogi: Ekki sýnt fram á að ákveðin tré valdi verulegum óþægindum Segir valsað um sjúkraskrána eins og á rölti um Kringluna Ábendingarnar verði teknar alvarlega Hætta rannsókn á mútumálinu á Selfossi Þrettán fengið samtals 512 eldri orlofsdaga greidda við starfslok Ökumanns hvítrar Teslu enn leitað Starfsfólk Ítalíu vill bíl Eflingar burt „Hönnun er í raun og veru allt í kringum okkur“ Rjúpnaveiðitímabilið 25 til 58 dagar eftir svæðum Sjá meira
Aðalmeðferð í Hagamelsmálinu svokallaða hófst í Héraðsdómi Reykjavíkur í morgun. Þar er Khaled Cairo, 39 ára gamall Jemeni, ákærður fyrir að hafa banað Sanitu Brauna á heimili hennar á Hagamel í Vesturbæ Reykjavíkur þann 21. september síðastliðinn. Khaled neitaði sök við þingfestingu en Khaled hefur setið í gæsluvarðhaldi síðan hann var handtekinn á vettvangi glæpsins. Í gæsluvarðhaldsúrskurði yfir Khaled kom fram að vitni hafi komið að honum á vettangi, séð hann slá Sanitu endurtekið í höfuðið og hótað vitninu lífláti ef hann færi ekki af vettvangi. Í greinargerð lögreglu, sem birtist með gæsluvarðhaldsúrskurði yfir Khaled, kom fram að Khaled hefði staðið á gangi íbúðarinnar á Hagamel þegar lögregla mætti. Sanita lá blóðug á grúfu á gólfinu. Tæplega tíu kílóa slökkvitæki hafi staðið á gólfinu, rétt við höfuð brotaþola, og verið blóðugt. Khaled hafi staðið yfir konunni, aðeins klæddur í nærbuxur og verið mikið blóðugur.Í ákærunni á hendur Cairo kemur fram að maðurinn hafi veist með ofbeldi að Sanitu og slegið hana ítrekað í andlit og höfuð með tveimur til þremur glerflöskum sem og slökkvitæki sem vó tæp 10 kíló. Þá á hann að hafa hert kröftulega að hálsi hennar með þeim afleiðingum að Sanita lést vegna skerts blóðstreymis til heila. Fram hefur komið að maðurinn játaði í yfirheyrslum hjá lögreglu að hafa veist að Sanitu og meðal annars veitt henni höfuðhögg með slökkvitæki. Sanita var 44 ára gömul og frá Lettlandi. Hún lét eftir sig þrjú börn og foreldra. Í ákæru eru gerðar kröfur um miskabætur, annars vegar af hálfu foreldra hennar og hins vegar af hálfu barna hennar. Hljóða miskabótakröfurnar upp á samtals 15 milljónir króna. Khaled er ákærður fyrir brot á 211. grein almennra hegningarlaga þar sem lágmarksrefsing er fimm ára fangelsi en þyngsta refsing ævilangt fangelsi. Hér á landi er algengast að menn séu dæmdir í 16 ára fangelsi fyrir manndráp.Kolbrún Benediktsdóttir varahéraðssaksóknari sækir málið.Vísir/RakelGat ekki munað meðan hann er „venjulegur maður" Í héraðsdómi í morgun sagðist Khaled ekki muna vel eftir atburðum kvöldið sem Sanita dó. Sagðist hann hafa misst vitið þegar hann varð þess áskynja að Sanita væri að hitta annan mann. Sagðist Khaled muna illa eftir því hvað gerðist, það væri falið djúpt í huga hans og ekki hægt að nálgast þá minningu á meðan hann væri „venjulegur maður” og þyrfti aðstoð sálfræðings til að nálgast hana. Khaled sagðist hafa kynnst Sanitu í gegnum netið. Þau hafi hist einu sinni í perónu þar sem þau sváfu saman en ekki aftur. Hann sagðist hafa reynt að fá að hitta hana aftur en Sanita svarað skilaboðum hans á þann veg að hún væri upptekin og gæti ekki hitt hann. Kvöldið sem Sanita dó sagðist Khaled hafa verið að bíða eftir strætó í strætóbiðskýli rétt við hús Sanitu á Hagamel. Hann hafði samband við Sanitu sem svaraði honum ekki. Sagði Khaled að hann hefði séð á síma sínum að Sanita hefði séð skilaboðin hans en ekki svarað honum. Hann sagðist hafa tekið þá ákvörðun að fara að íbúð hennar því hann hefði verið illa klæddur og var kalt. Nágranni hleypti Khaled inn í húsið og leitaði að Sanitu í íbúð hennar. Hann hitti loks Sanitu eftir að hafa séð skilaboð sem henni hafði borist frá „svörtum manni” frá Afríku. Hann spurði Sanitu hver þetta væri en hún sagðist ekki geta sagt honum það og að Khaled yrði að fara. Khaled sagðist hafa séð vínflöskur rétt við gluggann í herbergi Sanitu og byrjað að drekka. Hann sagði vínið hafa verið sterkt og hann ekki vanur að drekka svo mikið. Hann sagðist hafa verið reiður og átt erfitt með að stjórna skapi sínu.Vilhjálmur H. Vilhjálmsson er verjandi ákærða.Vísir/RakelSagði Sanitu hafa brotið hjarta sitt Sagði hann Sanitu hafa hlegið þegar hann spurði hvort hún ætti annan kærasta og sagði hana hafa brotið hjarta sitt með því að látast elska hann. „Hún er ekki með manntilfinningar,” hafði túlkur eftir Khaled í réttarsal. Khaled sagðist hafa reynt að sannfæra Sanitu um að hann mætti vera hjá henni í nótt og sagðist ekki hafa trúað því að hún væri að fara að hitta annan mann. Hann sagði Sanitu hafa „töfrað” sig og að hann gæti ekki hætt að hugsa um hana. Dyrnar hefðu í þann mund opnast þar sem annar maður gekk inn í íbúðina. Sagðist Khaled ekki muna eftir miklu frá þeim tímapunkti því hann hafi misst stjórn á skapi sínu. Sagðist hann aðeins muna eftir brotum en vissi ekki hvað af því væri rétt. Hann sagði að minningarnar væru djúpt inni í höfði sér og ómögulegt að nálgast þær með skýrum hætti á meðan hann væri venjulegur maður. Sagði hann að kalla þyrfti til sálfræðing til að nálgast þær minningar. Hann sagði allt þetta hafa gerst án þess að hann gæti stjórnað hugsunum sínum sem voru fullar af tilfinningum á borð við ást, reiði og afbrýðisemi. Þá sagðist hann hafa drukkið vín og hefði verið svangur enda ekki búinn að borða. Saksóknari spurði hvort einhver annar en Khaled hefði geta hafa veitt Sanitu áverka. Khaled sagðist ekki vita það en kannski hafi maðurinn frá Afríku einnig verið afbrýðisamur. Vísaði hann til mannsins sem gekk inn í herbergið. Sagðist Khaled hafa skynjað afbrýðisemi í spurningu þess efnist hver Khaled væri.Fjölmennt er í dómsal í dag en þar fylgjast laganemar með gangi mála.Vísir/RakelSagði Sanitu ekki hafa fengið þá hjálp sem hún átti að fá Spurður hvort að áverkarnir sem Khaled á að hafa veitt Sanitu hafi dregið hana til dauða sagðist Khaled ekki vita það. Gaf Khaled það í skyn að ekki hafi verið nægjanlega færir sérfræðingar á sjúkrahúsinu þar sem hún lét lífið. Hann sagði það alls ekki þannig að Ísland væri með allt best í þjónustu. Hann sagðist hafa rætt við sálfræðing nýlega sem sagði að enginn hefði getað bjargað lífi Sanitu og sagði Khaled það þýða að Sanita hefði ekki fengið þá þjónustu sem hun átti að fá. „Það var enginn sérfræðingur að sjá um hana,” sagði Khaled. Hann sagðist hafa verið spreyjaður með piparúða á vettvangi. Sagði Khaled það vel geta verið að eitthvað af þeim piparúða hafi farið í höfuðáverka Sanitu og það sé mögulega ástæðan fyrir því að hún sé dáin.Frá vettvangi við Hagamel 21. september síðastliðinn.VísirSagðist trúa á ást við fyrstu sýn Spurður út í samband sitt við Sanitu sagðist hann hafa kynnst henni tveimur mánuðum fyrir kvöldið sem Sanita dó. Þau kynntust á netinu og viku síðar hafi þau hist heima hjá henni þar sem þau sváfu saman. Sagði Khaled Sanitu hafa forðast hann eftir það og sagst ekki geta hitt hann vegna anna. Khaled var á því að að hann hefði orðið ástfanginn af henni og það hefði verið ást við fyrstu sýn, sem hann sagðist trúa á. Vildi hann meina að Sanita hefði í eitt sinn kynnt hann sem kærasta sinn og þess vegna taldi hann sig hafa verið velkominn á heimili hennar kvöldið sem Sanita dó. Þegar hann var spurður hvort að húðlitur mannsins sem Sanita ætlaði hitta kvöldið sem dó, hefði haft áhrif á afbrýðisemi hans sagðist Khaled fylgjast með fréttum og heyrt af karlmanni frá Nígeríu sem hefði verið grunaður um að smita konur á Íslandi af HIV. „Ég er að fylgjast með fréttir og er að fylgjast með allt.”Khaled á leið í dómsal í morgun.Vísir/RakelStillti sér upp albóðugur líkt og módel Fyrir dóm var kallaður til vitnis læknir sem sá um réttarfarsskoðun á Khaled, kvöldið sem umræddir atburðir áttu sér stað. Læknirinn sem framkvæmdi réttarfarsskoðunin sagði léttúðina í framkomu Khlaeds hafa slegið sig þar sem hann fíflaðist á meðan lögreglumenn tóku myndir af honum og virtist stilla sér upp sem módel á nærbuxunum einum saman á meðan hann var blóðugur frá toppi til táar. Sagði læknirinn þetta óvenjulegt miðað við það sem hann eigi að venjast. Sagði hann Khaled hafa spurt sig hvort að Sanita væri látin og hefði talað um „The black man” og virst gefa í skyn að Sanita ætti ekki gott skilið fyrir að eiga annan vin. Lokað var fyrir ummæli við fréttina.
Manndráp á Hagamel Tengdar fréttir Trylltist þegar hann komst að samskiptum við aðra karlmenn Nágranni hleypti Khaled inn í sameignina í risinu á Hagamel. Þar skoðaði Khaled tölvu Sanitu og missti í framhaldinu stjórn á skapi sínu. 23. febrúar 2018 09:15 Mest lesið Tveir reyndust í skotti bíls Innlent Harður þriggja bíla árekstur á Suðurlandsvegi Innlent Mannekla bindur hendur héraðssaksóknara í samráðsmáli Innlent Ríkisstjórnarflokkarnir mælast með tuttugu prósenta fylgi Innlent Erfitt að setja tölu á hve margir vilji stjórnarslit Innlent Munu ekki láta af herferð vegna launaþjófnaðarins Innlent Munu hlýða kröfu landsfundar verði tillaga um stjórnarslit samþykkt Innlent Orlof húsmæðra: Barn síns tíma eða liður í jafnrétti? Innlent Ákveðinn hópur hafi unnið að niðurstöðunni undir yfirborðinu Innlent Tveir stórir skjálftar í Bárðarbunguöskjunni Innlent Fleiri fréttir Fannst hann þvingaður til að afsala sér hundinum Biskup Íslands predikar í Vík á 90 ára afmæli kirkjunnar Erfitt að setja tölu á hve margir vilji stjórnarslit Harður þriggja bíla árekstur á Suðurlandsvegi Landsfundur ræðir stjórnarslit og nýjum reglum um blóðgjöf fagnað Tveir stórir skjálftar í Bárðarbunguöskjunni Ríkisstjórnarflokkarnir mælast með tuttugu prósenta fylgi Þorgerður Katrín: Enginn ráðskonurass undir fólki í Viðreisn Tveir reyndust í skotti bíls Mannekla bindur hendur héraðssaksóknara í samráðsmáli Kertavaka til minningar um konur sem hafa dáið vegna kynbundins ofbeldis Munu hlýða kröfu landsfundar verði tillaga um stjórnarslit samþykkt Munu ekki láta af herferð vegna launaþjófnaðarins Orlof húsmæðra: Barn síns tíma eða liður í jafnrétti? Ákveðinn hópur hafi unnið að niðurstöðunni undir yfirborðinu „Öllum ljóst að Ölfusárbrú verði að rísa“ Loksins mega hommar gefa blóð Blóðgjöf samkynhneigðra karla leyfð og ósáttar húsmæður Fimm bíla árekstur á Vesturlandsvegi Nefndin deili ekki við þá sem gagnrýna hana á „mis málefnalegan hátt“ Bein útsending: Ávarp fráfarandi formanns Vinstri grænna Nágrannaerjur í Kópavogi: Ekki sýnt fram á að ákveðin tré valdi verulegum óþægindum Segir valsað um sjúkraskrána eins og á rölti um Kringluna Ábendingarnar verði teknar alvarlega Hætta rannsókn á mútumálinu á Selfossi Þrettán fengið samtals 512 eldri orlofsdaga greidda við starfslok Ökumanns hvítrar Teslu enn leitað Starfsfólk Ítalíu vill bíl Eflingar burt „Hönnun er í raun og veru allt í kringum okkur“ Rjúpnaveiðitímabilið 25 til 58 dagar eftir svæðum Sjá meira
Trylltist þegar hann komst að samskiptum við aðra karlmenn Nágranni hleypti Khaled inn í sameignina í risinu á Hagamel. Þar skoðaði Khaled tölvu Sanitu og missti í framhaldinu stjórn á skapi sínu. 23. febrúar 2018 09:15