Yfir 40 prósent segjast óánægð með Dag Jón Hákon Halldórsson skrifar 11. apríl 2018 06:00 Dagur B. Eggertsson leiðir lista Samfylkingarinnar í Reykjavík. Vísir/Arnþór Alls segjast 43 prósent þeirra Reykvíkinga sem afstöðu taka í nýrri könnun, sem Fréttablaðið og frettabladid.is gerðu, vera annaðhvort mjög óánægð eða frekar óánægð með störf Dags B. Eggertssonar borgarstjóra á kjörtímabilinu. Þá segjast 29 prósent vera mjög ánægð eða frekar ánægð með störf hans og 28 prósent segjast hvorki vera ánægð né óánægð. Þegar svörin eru skoðuð í heild sést að 6 prósent eru mjög ánægð með störf Dags, 19 prósent eru frekar ánægð og 25 prósent eru hvorki ánægð né óánægð. Þá eru 15 prósent frekar óánægð og 23 prósent eru mjög óánægð. Alls tóku 89 prósent afstöðu til spurningarinnar en 5 prósent sögðust óákveðin og 6 prósent neituðu að svara spurningunni. Dagur er hins vegar sá einstaklingur sem flestir nefna þegar þeir eru spurðir hvern þeir vilji sjá sem næsta borgarstjóra í Reykjavík. Þegar einungis eru skoðuð svör þeirra sem afstöðu taka sést að 45 prósent nefna Dag, 30 prósent nefna Eyþór Arnalds, 4 prósent nefna Líf Magneudóttur og 4 prósent Vigdísi Hauksdóttur.Sjá einnig: Langflestir vilja Dag í borgarstjórastólinn Það vekur hins vegar athygli að þegar þessarar spurningar er spurt og svör allra þeirra sem náðist í við framkvæmd könnunarinnar eru skoðuð segjast 42 prósent vera óákveðin og 16 prósent neita að svara spurningunni. Þá segjast 19 prósent vilja fá Dag sem borgarstjóra, 13 prósent Eyþór Arnalds, 2 prósent Vigdísi Hauksdóttur og 2 prósent Líf Magneudóttur. Vinsældir borgarstjóraefnanna eru álíka miklar og þær voru þegar Fréttablaðið mældi þær í lok febrúar. Þá sögðust 19 prósent af öllum þeim sem náðist í styðja Dag og 16 prósent Eyþór. Hringt var í 1.316 manns með lögheimili í Reykjavík þar til náðist í 800 samkvæmt lagskiptu úrtaki 9. apríl. Svarhlutfallið var 60,8 prósent. Þátttakendur voru valdir með slembiúrtaki úr þjóðskrá. Svarendur skiptust jafnt eftir kyni, og hlutfallslega eftir aldri.Vill ekki „Morgunblaðsarm“ í samstarf „Í fyrsta lagi er meirihlutinn fallinn og hann verður fallinn í vor. Í öðru lagi er ljóst að breytiaflið í borginni er okkar framboð, sem mælist ekki bara stærst af hinum flokkunum heldur stærra en Samfylkingin. Þannig verður það líka í vor. Við finnum það að margir sem eru að kynna sér málin vilja breytingar þannig að við eigum eftir að sjá enn meiri sveiflur í átt til breytinga í vor,“ segir Eyþór Arnalds, oddviti Sjálfstæðisflokksins í komandi borgarstjórnarkosningum.Sjálfstæðisflokkurinn og Samfylkingin mælast stærstu flokkarnir í nýrri skoðanakönnun sem Fréttablaðið og frettabladid.is gerðu. Sjálfstæðisflokkurinn mælist með rúm 28 prósent en Samfylkingin með tæplega 27 prósent. Munurinn milli flokkanna er innan vikmarka. Sjálfstæðisflokkurinn tapar sjö prósentustigum frá síðustu könnun, sem gerð var 26. og 27. febrúar. Yrðu niðurstöður kosninga í samræmi við nýju skoðanakönnunina yrði það næstminnsta fylgi sem Sjálfstæðisflokkurinn hefði fengið í borgarstjórnarkosningum. Minnsta fylgið fékk hann árið 2014 þegar flokkurinn fékk 25,7 prósent atkvæða upp úr kössunum. „Ég á von á því að við fáum meira og er reyndar sannfærður um það,“ segir Eyþór aðspurður um það hvort honum finnist fylgið í könnuninni viðunandi. Niðurstöður könnunarinnar benda líka til þess að Samfylkingin gæti tapað nokkru fylgi frá kosningunum 2014 þegar flokkurinn fékk 31,9 prósent atkvæða. „Maður vill auðvitað alltaf sækja meira fylgi og við munum leggja okkur fram um það í aðdraganda kosninga. Stóra breytingin í þessari tilteknu könnun er sú að Sjálfstæðisflokkurinn er að missa mikið fylgi milli kannana og spurning hvort sú þróun haldi áfram,“ segir Dagur B. Eggertsson, borgarstjóri og oddviti Samfylkingarinnar. Styrmir Gunnarsson, rithöfundur og fyrrverandi ritstjóri, segir á vefsíðu sinni að miðað við niðurstöður könnunarinnar gæti orðið erfitt að mynda starfhæfan meirihluta í borgarstjórn. Sú spurning vakni hvort niðurstaðan gæti orðið samstarf Samfylkingar og Sjálfstæðisflokksins.Dagur B. Eggertsson lýtur ekki hýru auga til samstarfs við Eyþór Arnalds og félaga í Sjálfstæðisflokknum.VísirDagur segir valkostina mjög skýra. „Sjálfstæðisflokkurinn býður fram Morgunblaðsarminn af eigin flokki og setur fram málefnaskrá sem horfir frekar til fortíðar en framtíðar. Mér sýnist Samfylkingin ekki eiga neitt sameiginlegt með þessum armi Sjálfstæðisflokksins.“ Ef niðurstöður kosninga yrðu samkvæmt könnuninni fengju átta flokkar kjörna fulltrúa í borgarstjórn. Sjálfstæðisflokkurinn og Samfylkingin yrðu stærst með sjö fulltrúa hvor flokkur, VG, Viðreisn og Píratar með tvo fulltrúa hver og Miðflokkurinn, Flokkur fólksins og Framsóknarflokkurinn með einn fulltrúa hver. Eftir því sem Fréttablaðið kemst næst munu fjórtán framboð stilla upp listum fyrir borgarstjórnarkosningarnar. Auk Sjálfstæðisflokksins og Samfylkingarinnar eru það Vinstri græn, Píratar, Viðreisn, Miðflokkurinn, Framsóknarflokkurinn, Flokkur fólksins, Höfuðborgarlistinn, Sósíalistaflokkurinn, Kvennaframboðið, Íslenska þjóðfylkingin, Alþýðufylkingin og Frelsisflokkurinn. Píratar og VG mælast með tæp 11 prósent hvor flokkur, Viðreisn með tæp 8 prósent, Miðflokkurinn og Flokkur fólksins með rúm 4 prósent og Framsóknarflokkurinn með 4 prósent. Sósíalistaflokkurinn mælist svo með 1,4 prósent og Kvennaframboðið með 1 prósent. Önnur framboð mælast með minna fylgi. Eva Marín Hlynsdóttir, lektor í stjórnmálafræði við Háskóla Íslands, sagði í hádegisfréttum Bylgjunnar í gær að fjölgun borgarfulltrúa úr 15 í 23 gæti vafalaust skýrt, að minnsta kosti að hluta til, aukinn áhuga á framboðum til borgarstjórnar. En stemningin í samfélaginu skýri líka þennan fjölda framboða. Bendir Eva þar á þann fjölda lista sem boðnir voru fram í síðustu tvennum alþingiskosningum. Aðferðafræðin Hringt var í 1.316 manns með lögheimili í Reykjavík þar til náðist í 800 samkvæmt lagskiptu úrtaki 9. apríl. Svarhlutfallið var 60,8 prósent. Þátttakendur voru valdir með slembiúrtaki úr þjóðskrá. Svarendur skiptust jafnt eftir kyni, og hlutfallslega eftir aldri. Spurt var: Hvaða lista myndir þú kjósa ef gengið yrði til sveitarstjórnarkosninga í dag? Ef ekki fékkst svar var spurt: Hvaða flokk er líklegast að þú myndir kjósa? Ef ekki fékkst svar var spurt: Er líklegra að þú myndir kjósa Sjálfstæðisflokkinn, eða einhvern annan flokk? Alls tóku 58,2 prósent þeirra sem náðist í afstöðu til spurningarinnar. Þá voru 8,3 prósent sem sögðust ekki ætla að kjósa eða skila auðu, 11,8 prósent sögðust óákveðin og 21,7 prósent vildu ekki svara spurningunni. Birtist í Fréttablaðinu Sveitarstjórnarkosningar Tengdar fréttir Ný könnun sýnir meirihlutann fallinn Sjálfstæðisflokkurinn og Samfylkingin í borgarstjórn eru jafn stór samkvæmt nýrri skoðanakönnun Fréttablaðsins og vefmiðilsins frettabladid.is. Framsóknarflokkurinn fengi kjörinn mann. Samfylkingin, VG og Píratar gætu ekki myndað meirihluta. 10. apríl 2018 03:45 Mest lesið „Við vitum ekki neitt og höldum bara áfram að bíða“ Innlent Segir Harris veika á geði Erlent Ótrúlegt myndband af gæsaflokki á flugi Innlent Uppgjör á hægri vængnum: „Ægishjálmur Sjálfstæðisflokksins“ ekki lengur veruleikinn Innlent Drakk beint úr könnunni og svelgdist á Erlent Neyddist til að aflífa 125 krókódíla í útrýmingarhættu Erlent „Óþekku börnin frá Grindavík“ vakti úlfúð Innlent Segir Ísrael í fullum rétti á að verja sig frá Hezbollah Erlent Verslaði fyrir háar upphæðir með stolnu kreditkorti Innlent Ávaxtakarfan frumsýnd í Hveragerði Innlent Fleiri fréttir „Við vitum ekki neitt og höldum bara áfram að bíða“ Ótrúlegt myndband af gæsaflokki á flugi Ávaxtakarfan frumsýnd í Hveragerði Lítið jökulhlaup hafið í Skálm Uppgjör á hægri vængnum: „Ægishjálmur Sjálfstæðisflokksins“ ekki lengur veruleikinn Sundrun á hægri vængnum og örvænting meðal fyrstu kaupenda Verslaði fyrir háar upphæðir með stolnu kreditkorti „Ég hitti ungt fjölskyldufólk sem er gjörsamlega að kikna“ Þyrlan kölluð út vegna fjórhjólaslyss Ullarvika til heiðurs íslensku sauðkindinni „Óþekku börnin frá Grindavík“ vakti úlfúð Verkfall á hjúkrunarheimilum ef lausn næst ekki á mánudag „Verðmæti fólgin í því að halda Reykjanesbraut opinni“ Úrbætur á gæsluvarðhaldsúrræði fyrir unglinga og upphaf körfuboltatímabilsins Skoða betri úrræði fyrir unglinga í gæsluvarðhaldi Brotthvarf Katrínar hafði mikil áhrif Hafði „útdraganlega kylfu“ meðferðis Nýliðar hlakka til að láta að sér kveða: „Finnst vanta fólk eins og mig“ Draumurinn að fríbúðir skjóti upp kollinum um alla borg Ekki hægt að aldursskipta börnum á Stuðlum í miðjum stormi „Skítastaða“ á Stuðlum, vongóðir nýliðar og búð þar sem allt er ókeypis „Það verður að láta reyna á þessar kærur“ Listamaðurinn Jón Gnarr hættir og pólitíkusinn tekur við Líf segir söguna um stóladans Mörtu og Hildar dagsanna Hlaut varanlegan skaða vegna myglu en fær ekki krónu Marta hafnar því alfarið að hafa ítrekað sest í stól Hildar Unglingar á ofsahraða reyndu að stinga lögregluna af Mennirnir tveir fundnir Hólmfríður ætlar í ritara VG Til skoðunar að beita refsisköttum á nikótínpúða Sjá meira
Alls segjast 43 prósent þeirra Reykvíkinga sem afstöðu taka í nýrri könnun, sem Fréttablaðið og frettabladid.is gerðu, vera annaðhvort mjög óánægð eða frekar óánægð með störf Dags B. Eggertssonar borgarstjóra á kjörtímabilinu. Þá segjast 29 prósent vera mjög ánægð eða frekar ánægð með störf hans og 28 prósent segjast hvorki vera ánægð né óánægð. Þegar svörin eru skoðuð í heild sést að 6 prósent eru mjög ánægð með störf Dags, 19 prósent eru frekar ánægð og 25 prósent eru hvorki ánægð né óánægð. Þá eru 15 prósent frekar óánægð og 23 prósent eru mjög óánægð. Alls tóku 89 prósent afstöðu til spurningarinnar en 5 prósent sögðust óákveðin og 6 prósent neituðu að svara spurningunni. Dagur er hins vegar sá einstaklingur sem flestir nefna þegar þeir eru spurðir hvern þeir vilji sjá sem næsta borgarstjóra í Reykjavík. Þegar einungis eru skoðuð svör þeirra sem afstöðu taka sést að 45 prósent nefna Dag, 30 prósent nefna Eyþór Arnalds, 4 prósent nefna Líf Magneudóttur og 4 prósent Vigdísi Hauksdóttur.Sjá einnig: Langflestir vilja Dag í borgarstjórastólinn Það vekur hins vegar athygli að þegar þessarar spurningar er spurt og svör allra þeirra sem náðist í við framkvæmd könnunarinnar eru skoðuð segjast 42 prósent vera óákveðin og 16 prósent neita að svara spurningunni. Þá segjast 19 prósent vilja fá Dag sem borgarstjóra, 13 prósent Eyþór Arnalds, 2 prósent Vigdísi Hauksdóttur og 2 prósent Líf Magneudóttur. Vinsældir borgarstjóraefnanna eru álíka miklar og þær voru þegar Fréttablaðið mældi þær í lok febrúar. Þá sögðust 19 prósent af öllum þeim sem náðist í styðja Dag og 16 prósent Eyþór. Hringt var í 1.316 manns með lögheimili í Reykjavík þar til náðist í 800 samkvæmt lagskiptu úrtaki 9. apríl. Svarhlutfallið var 60,8 prósent. Þátttakendur voru valdir með slembiúrtaki úr þjóðskrá. Svarendur skiptust jafnt eftir kyni, og hlutfallslega eftir aldri.Vill ekki „Morgunblaðsarm“ í samstarf „Í fyrsta lagi er meirihlutinn fallinn og hann verður fallinn í vor. Í öðru lagi er ljóst að breytiaflið í borginni er okkar framboð, sem mælist ekki bara stærst af hinum flokkunum heldur stærra en Samfylkingin. Þannig verður það líka í vor. Við finnum það að margir sem eru að kynna sér málin vilja breytingar þannig að við eigum eftir að sjá enn meiri sveiflur í átt til breytinga í vor,“ segir Eyþór Arnalds, oddviti Sjálfstæðisflokksins í komandi borgarstjórnarkosningum.Sjálfstæðisflokkurinn og Samfylkingin mælast stærstu flokkarnir í nýrri skoðanakönnun sem Fréttablaðið og frettabladid.is gerðu. Sjálfstæðisflokkurinn mælist með rúm 28 prósent en Samfylkingin með tæplega 27 prósent. Munurinn milli flokkanna er innan vikmarka. Sjálfstæðisflokkurinn tapar sjö prósentustigum frá síðustu könnun, sem gerð var 26. og 27. febrúar. Yrðu niðurstöður kosninga í samræmi við nýju skoðanakönnunina yrði það næstminnsta fylgi sem Sjálfstæðisflokkurinn hefði fengið í borgarstjórnarkosningum. Minnsta fylgið fékk hann árið 2014 þegar flokkurinn fékk 25,7 prósent atkvæða upp úr kössunum. „Ég á von á því að við fáum meira og er reyndar sannfærður um það,“ segir Eyþór aðspurður um það hvort honum finnist fylgið í könnuninni viðunandi. Niðurstöður könnunarinnar benda líka til þess að Samfylkingin gæti tapað nokkru fylgi frá kosningunum 2014 þegar flokkurinn fékk 31,9 prósent atkvæða. „Maður vill auðvitað alltaf sækja meira fylgi og við munum leggja okkur fram um það í aðdraganda kosninga. Stóra breytingin í þessari tilteknu könnun er sú að Sjálfstæðisflokkurinn er að missa mikið fylgi milli kannana og spurning hvort sú þróun haldi áfram,“ segir Dagur B. Eggertsson, borgarstjóri og oddviti Samfylkingarinnar. Styrmir Gunnarsson, rithöfundur og fyrrverandi ritstjóri, segir á vefsíðu sinni að miðað við niðurstöður könnunarinnar gæti orðið erfitt að mynda starfhæfan meirihluta í borgarstjórn. Sú spurning vakni hvort niðurstaðan gæti orðið samstarf Samfylkingar og Sjálfstæðisflokksins.Dagur B. Eggertsson lýtur ekki hýru auga til samstarfs við Eyþór Arnalds og félaga í Sjálfstæðisflokknum.VísirDagur segir valkostina mjög skýra. „Sjálfstæðisflokkurinn býður fram Morgunblaðsarminn af eigin flokki og setur fram málefnaskrá sem horfir frekar til fortíðar en framtíðar. Mér sýnist Samfylkingin ekki eiga neitt sameiginlegt með þessum armi Sjálfstæðisflokksins.“ Ef niðurstöður kosninga yrðu samkvæmt könnuninni fengju átta flokkar kjörna fulltrúa í borgarstjórn. Sjálfstæðisflokkurinn og Samfylkingin yrðu stærst með sjö fulltrúa hvor flokkur, VG, Viðreisn og Píratar með tvo fulltrúa hver og Miðflokkurinn, Flokkur fólksins og Framsóknarflokkurinn með einn fulltrúa hver. Eftir því sem Fréttablaðið kemst næst munu fjórtán framboð stilla upp listum fyrir borgarstjórnarkosningarnar. Auk Sjálfstæðisflokksins og Samfylkingarinnar eru það Vinstri græn, Píratar, Viðreisn, Miðflokkurinn, Framsóknarflokkurinn, Flokkur fólksins, Höfuðborgarlistinn, Sósíalistaflokkurinn, Kvennaframboðið, Íslenska þjóðfylkingin, Alþýðufylkingin og Frelsisflokkurinn. Píratar og VG mælast með tæp 11 prósent hvor flokkur, Viðreisn með tæp 8 prósent, Miðflokkurinn og Flokkur fólksins með rúm 4 prósent og Framsóknarflokkurinn með 4 prósent. Sósíalistaflokkurinn mælist svo með 1,4 prósent og Kvennaframboðið með 1 prósent. Önnur framboð mælast með minna fylgi. Eva Marín Hlynsdóttir, lektor í stjórnmálafræði við Háskóla Íslands, sagði í hádegisfréttum Bylgjunnar í gær að fjölgun borgarfulltrúa úr 15 í 23 gæti vafalaust skýrt, að minnsta kosti að hluta til, aukinn áhuga á framboðum til borgarstjórnar. En stemningin í samfélaginu skýri líka þennan fjölda framboða. Bendir Eva þar á þann fjölda lista sem boðnir voru fram í síðustu tvennum alþingiskosningum. Aðferðafræðin Hringt var í 1.316 manns með lögheimili í Reykjavík þar til náðist í 800 samkvæmt lagskiptu úrtaki 9. apríl. Svarhlutfallið var 60,8 prósent. Þátttakendur voru valdir með slembiúrtaki úr þjóðskrá. Svarendur skiptust jafnt eftir kyni, og hlutfallslega eftir aldri. Spurt var: Hvaða lista myndir þú kjósa ef gengið yrði til sveitarstjórnarkosninga í dag? Ef ekki fékkst svar var spurt: Hvaða flokk er líklegast að þú myndir kjósa? Ef ekki fékkst svar var spurt: Er líklegra að þú myndir kjósa Sjálfstæðisflokkinn, eða einhvern annan flokk? Alls tóku 58,2 prósent þeirra sem náðist í afstöðu til spurningarinnar. Þá voru 8,3 prósent sem sögðust ekki ætla að kjósa eða skila auðu, 11,8 prósent sögðust óákveðin og 21,7 prósent vildu ekki svara spurningunni.
Birtist í Fréttablaðinu Sveitarstjórnarkosningar Tengdar fréttir Ný könnun sýnir meirihlutann fallinn Sjálfstæðisflokkurinn og Samfylkingin í borgarstjórn eru jafn stór samkvæmt nýrri skoðanakönnun Fréttablaðsins og vefmiðilsins frettabladid.is. Framsóknarflokkurinn fengi kjörinn mann. Samfylkingin, VG og Píratar gætu ekki myndað meirihluta. 10. apríl 2018 03:45 Mest lesið „Við vitum ekki neitt og höldum bara áfram að bíða“ Innlent Segir Harris veika á geði Erlent Ótrúlegt myndband af gæsaflokki á flugi Innlent Uppgjör á hægri vængnum: „Ægishjálmur Sjálfstæðisflokksins“ ekki lengur veruleikinn Innlent Drakk beint úr könnunni og svelgdist á Erlent Neyddist til að aflífa 125 krókódíla í útrýmingarhættu Erlent „Óþekku börnin frá Grindavík“ vakti úlfúð Innlent Segir Ísrael í fullum rétti á að verja sig frá Hezbollah Erlent Verslaði fyrir háar upphæðir með stolnu kreditkorti Innlent Ávaxtakarfan frumsýnd í Hveragerði Innlent Fleiri fréttir „Við vitum ekki neitt og höldum bara áfram að bíða“ Ótrúlegt myndband af gæsaflokki á flugi Ávaxtakarfan frumsýnd í Hveragerði Lítið jökulhlaup hafið í Skálm Uppgjör á hægri vængnum: „Ægishjálmur Sjálfstæðisflokksins“ ekki lengur veruleikinn Sundrun á hægri vængnum og örvænting meðal fyrstu kaupenda Verslaði fyrir háar upphæðir með stolnu kreditkorti „Ég hitti ungt fjölskyldufólk sem er gjörsamlega að kikna“ Þyrlan kölluð út vegna fjórhjólaslyss Ullarvika til heiðurs íslensku sauðkindinni „Óþekku börnin frá Grindavík“ vakti úlfúð Verkfall á hjúkrunarheimilum ef lausn næst ekki á mánudag „Verðmæti fólgin í því að halda Reykjanesbraut opinni“ Úrbætur á gæsluvarðhaldsúrræði fyrir unglinga og upphaf körfuboltatímabilsins Skoða betri úrræði fyrir unglinga í gæsluvarðhaldi Brotthvarf Katrínar hafði mikil áhrif Hafði „útdraganlega kylfu“ meðferðis Nýliðar hlakka til að láta að sér kveða: „Finnst vanta fólk eins og mig“ Draumurinn að fríbúðir skjóti upp kollinum um alla borg Ekki hægt að aldursskipta börnum á Stuðlum í miðjum stormi „Skítastaða“ á Stuðlum, vongóðir nýliðar og búð þar sem allt er ókeypis „Það verður að láta reyna á þessar kærur“ Listamaðurinn Jón Gnarr hættir og pólitíkusinn tekur við Líf segir söguna um stóladans Mörtu og Hildar dagsanna Hlaut varanlegan skaða vegna myglu en fær ekki krónu Marta hafnar því alfarið að hafa ítrekað sest í stól Hildar Unglingar á ofsahraða reyndu að stinga lögregluna af Mennirnir tveir fundnir Hólmfríður ætlar í ritara VG Til skoðunar að beita refsisköttum á nikótínpúða Sjá meira
Ný könnun sýnir meirihlutann fallinn Sjálfstæðisflokkurinn og Samfylkingin í borgarstjórn eru jafn stór samkvæmt nýrri skoðanakönnun Fréttablaðsins og vefmiðilsins frettabladid.is. Framsóknarflokkurinn fengi kjörinn mann. Samfylkingin, VG og Píratar gætu ekki myndað meirihluta. 10. apríl 2018 03:45