Bashar al-Assad Sýrlandsforseti hefur skilað formlega æðstu orðu Frakka, sem hann var sæmdur fyrir nokkrum árum. Þetta gerir forsetinn í ljósi þess að Frakkar tóku virkan þátt í loftárásum á Sýrland á dögunum.
Forsetinn segist ekki vilja bera orðu frá landi sem sé þræll Bandaríkjanna, eins og það er orðað í yfirlýsingu frá Sýrlendingum.
Yfirlýsing Sýrlendinga kemur degi eftir að Frakkar tilkynntu að ferli væri hafið sem miðaði að því að svipta Assad orðunni. Því má segja að Assad hafi orðið fyrri til.
Orðunni var skilað í rúmenska sendiráðinu í Damaskus, sem enn er opið, en Frakkar hafa lokað sínu sendiráði í landinu. Assad fékk heiðursorðuna árið 2001, þegar hann tók við forsetaembættinu eftir að faðir hans lést.
Sýrlandsforseti skilaði æðstu orðu Frakka
Tengdar fréttir
Íraksstjórn segir loftárásir á Sýrland styrkja stöðu ISIS
Ríkisstjórn Íraks segir að loftárásir Bandaríkjamanna, Frakka og Breta í Sýrlandi séu til þess fallnar að styrkja stöðu öfgahópa á borð við hryðjuverkasamtökin sem kenna sig við íslamskt ríki.
Varar við upplausnarástandi ráðist vesturveldin aftur á Sýrland
Vladimir Pútín og Hassan Rouhani ræddust við í síma í dag og voru sammála um að loftárásir vesturveldanna hafa komið í veg fyrir að diplómatísk lausn næðist í málefnum Sýrlands.
Fá ekki enn að rannsaka vettvang efnavopnaárásarinnar í Douma
Rannsókn Efnavopnastofnunarinnar á meintri efnavopnaárás á sýrlenska bæinn Douma var frestað enn á ný í gær.
