Pepsimörkin: Hvað eru þessir FH-ingar að gera í kringum Gunnar?

Þorvaldur Örlygsson, sérfræðingur Pepsimarkanna, vildi ekki alveg skella skuldinni á Gunnar Nielsen, markvörð FH, út af markinu sem Fylkir skoraði í Krikanum í gær.

Gunnar missti boltann klaufalega frá sér eftir hornspyrnu en Þorvaldur segir að félagar hans hafi lítið verið að hjálpa honum.

„Það eru tveir FH-ingar fyrir Gunnari þegar hann ætlar að reyna að grípa boltann. Mér finnst þeir læsa hann inni. Svo stíga FH-ingar ekki upp í boltann. Eiga allir þessir FH-ingar að vera í kringum markvörðinn?“ spyr Þorvaldur.

„Mér finnst ekki bara hægt að kenna markverðinum um þetta mark.“

Sjá má mörkin úr leik FH og Fylkis og greininguna hér að neðan.