Samskiptatæknin þá og nú Gunnþóra Gunnarsdóttir skrifar 16. júní 2018 10:00 Tinna forstöðumaður, Aldís og Aðalheiður sýningarstjórar, og listamennirnir Mynd/Hanna Christel Sæstrengurinn var tengdur í land hér á Seyðisfirði 1906 og rafstöðin kom 1913. Nú eru allir beintengdir öllum heiminum gegnum lítið tæki sem þeir eru með í vasanum. Þessi þróun varð Aðalheiði Valgeirsdóttur myndlistarmanni og Aldísi Arnardóttur listfræðingi hugmynd að sýningunni K A P A L L sem er afmælissýning hér í Skaftfelli og verður opnuð í dag,“ segir Tinna Guðmundsdóttir, forstöðumaður menningarmiðstöðvarinnar Skaftfells á Seyðisfirði. Auglýst var eftir tillögum að afmælissýningunni. Rúmlega þrjátíu umsóknir bárust og K A P A L L var valin af fagráði miðstöðvarinnar, að sögn Tinnu. „Aðalheiður og Aldís eru sýningarstjórar og þær völdu listamennina Sigurð Guðjónsson, Tuma Magnússon, Unnar Örn, Þórdísi Aðalsteinsdóttur og Þórdísi Jóhannesdóttur. Þeir komu austur í rannsóknarferð í mars og skoðuðu meðal annars brotabrot úr upprunalega sækaplinum á Tækniminjasafninu hér. Margir urðu fyrir áhrifum af því.“ Menningarmiðstöðin Skaftfell er 20 ára og Tinna segir hana fyrir löngu hafa sannað sig sem einn af máttarstólpum menningarlífs Austurlands. Hún rekur sögu hússins mun lengra, eða til 1907. „Þetta er norskt timburhús á þremur hæðum og stendur við Austurgötu. Það var stór hópur fólks sem kom að því að standsetja það eftir að góð hjón í bænum, Garðar Eymundsson og Karólína Þorsteinsdóttir, gáfu það undir menningarstarfsemi. „Dieter Roth var með fyrstu sýningu hér 1996. Ári seinna var kominn upp hópur sem kallaði sig Skaftfellshópinn og þegar Dieter dó, árið 1998, var ákveðið að slá upp sýningu til minningar um hann. Þá hófst í raun regluleg starfsemi með stjórn og fundargerðaskrifum.“ Tinna segir Skaftfell reisulegt hús og setja sterkan svip á götumyndina í suðurhluta bæjarins. „Hér eru mörg upprunaleg hús í kring sem verða vernduð líka, eins og svo mörg önnur hús á Seyðisfirði.“ Listsýningar eru hjarta starfseminnar að sögn Tinnu. „Nú erum við að opna fjórar til sex sýningar á ári. Fjöldinn sem mætir er í kringum 5.000 manns. Ég væri alveg til í að hann væri meiri.“ Gestavinnustofur er annar liður. „Hingað koma um 40 alþjóðlegir listamenn á ári og dvelja í að minnsta kosti mánuð. Við höldum vel utan um þá og hjálpum þeim að aðlagast þessu jaðarsvæði sem við búum á. Svona gestavinnustofur opna ýmsar dyr.“ Samstarf Skaftfells við Listaháskólann komst á 2001 og námshópar hafa komið austur reglulega síðan að sögn Tinnu. „Ég var sjálf í slíkum hópi árið 2002,“ rifjar hún upp og kveðst aðspurð hafa flutt austur fyrir sex og hálfu ári. „Ég flutti úr 101 með fjölskylduna, við vorum föst í of lítilli íbúð og höfðum ekki efni á að búa lengur í borginni.“ Hún segir ofboðslega gott að vera á Seyðisfirði. „Hér er listamannanýlenda og alltaf eitthvað að gerast, ég minni til dæmis á hátíðina LungA sem hefur verið fastur liður í áraraðir.“ Sýningin K A P A L L stendur til 2. september. „Þá ætlum við að halda sýningu á verkum eftir Gunnlaug Scheving og Nínu Tryggvadóttur, það er liður í fræðsludagskránni okkar,“ upplýsir Tinna. „Við ætlum að bjóða austfirskum nemendum að koma og læra um Gunnlaug og Nínu, gera smiðju fyrir þá, það höfum við gert í mörg ár.“ gun@frettabladid.is Birtist í Fréttablaðinu Mest lesið Sveitarstjórn reyni að skrá íbúa úr sveitarfélaginu og ógni grundvallarréttindum Innlent Lögregla kölluð til eftir að bremsuvírar voru klipptir á reiðhjólum barna Innlent Skoða að efla geðheilbrigðisþjónustu á Austurlandi eftir röð áfalla Innlent Hleypur 110 kílómetra á dag til að setja heimsmet Innlent Kjölur ekki á dagskrá Innlent Fólk deili lyfseðlum og „míkródósi“: „Við getum ekki réttlætt þá meðferð“ Innlent Lögregla hafi hlaupið á sig á Siglufirði: „Þetta eru einstök prúðmenni“ Innlent Ástand á stúdentagörðum: Ítrekuð innbrot, mat stolið, dýnur í kjallara og hland á gólfi Innlent „Mér hefur aldrei verið sýnd jafn mikil vanvirðing“ Innlent Yfirgefið hreysi víkur fyrir hundrað íbúðum Innlent Fleiri fréttir Sveitarstjórn reyni að skrá íbúa úr sveitarfélaginu og ógni grundvallarréttindum Skoða að efla geðheilbrigðisþjónustu á Austurlandi eftir röð áfalla Kjölur ekki á dagskrá Lögregla kölluð til eftir að bremsuvírar voru klipptir á reiðhjólum barna Hleypur 110 kílómetra á dag til að setja heimsmet Fólk deili lyfseðlum og „míkródósi“: „Við getum ekki réttlætt þá meðferð“ Deila lyfseðlum fyrir þyngdarstjórnunarlyf og undankeppni HM hefst Starfsfólk Alcoa vilji setja fyrirtækinu mörk Lögregla hafi hlaupið á sig á Siglufirði: „Þetta eru einstök prúðmenni“ Ætla að rannsaka meint undirboð á kísilmálmi „Mér hefur aldrei verið sýnd jafn mikil vanvirðing“ Hélt eiginkonu og fimm börnum í heljargreipum Breyta Korpuskóla til að anna eftirspurn í Klettaskóla Vegabætur á Vestfjörðum opni tækifæri í vetrarferðamennsku Vilja aðgerðir strax Ástand á stúdentagörðum: Ítrekuð innbrot, mat stolið, dýnur í kjallara og hland á gólfi „Geta verið dauðsföll, þú veist ekkert hvað er í þessu“ Öllum börnum undir sex mánaða boðin forvörn gegn RS veiru Vildu fá að vita hvort ríkisstyrkir hefðu farið í málsóknir gegn orkuframkvæmdum Vara við ólöglegum megrunarlyfjum sem eru í umferð Konan er fundin Sextán ára kveikti í herbergi sínu Þremur sleppt úr haldi og brotaþoli útskrifaður „Það kemur að því að við lendum í veseni“ Ekki hægt að þaga þegar stjórnmálamenn leika sér að því að særa fram tröllin 252,6 milljónir runnið í ríkissjóð úr dánarbúum án lögerfingja á tíu árum Þrjú söfn í eina sæng Yfirgefið hreysi víkur fyrir hundrað íbúðum Líkamsárás á gistiheimili „Ekkert óeðlilegt við það að endurskoða þetta kerfi“ Sjá meira
Sæstrengurinn var tengdur í land hér á Seyðisfirði 1906 og rafstöðin kom 1913. Nú eru allir beintengdir öllum heiminum gegnum lítið tæki sem þeir eru með í vasanum. Þessi þróun varð Aðalheiði Valgeirsdóttur myndlistarmanni og Aldísi Arnardóttur listfræðingi hugmynd að sýningunni K A P A L L sem er afmælissýning hér í Skaftfelli og verður opnuð í dag,“ segir Tinna Guðmundsdóttir, forstöðumaður menningarmiðstöðvarinnar Skaftfells á Seyðisfirði. Auglýst var eftir tillögum að afmælissýningunni. Rúmlega þrjátíu umsóknir bárust og K A P A L L var valin af fagráði miðstöðvarinnar, að sögn Tinnu. „Aðalheiður og Aldís eru sýningarstjórar og þær völdu listamennina Sigurð Guðjónsson, Tuma Magnússon, Unnar Örn, Þórdísi Aðalsteinsdóttur og Þórdísi Jóhannesdóttur. Þeir komu austur í rannsóknarferð í mars og skoðuðu meðal annars brotabrot úr upprunalega sækaplinum á Tækniminjasafninu hér. Margir urðu fyrir áhrifum af því.“ Menningarmiðstöðin Skaftfell er 20 ára og Tinna segir hana fyrir löngu hafa sannað sig sem einn af máttarstólpum menningarlífs Austurlands. Hún rekur sögu hússins mun lengra, eða til 1907. „Þetta er norskt timburhús á þremur hæðum og stendur við Austurgötu. Það var stór hópur fólks sem kom að því að standsetja það eftir að góð hjón í bænum, Garðar Eymundsson og Karólína Þorsteinsdóttir, gáfu það undir menningarstarfsemi. „Dieter Roth var með fyrstu sýningu hér 1996. Ári seinna var kominn upp hópur sem kallaði sig Skaftfellshópinn og þegar Dieter dó, árið 1998, var ákveðið að slá upp sýningu til minningar um hann. Þá hófst í raun regluleg starfsemi með stjórn og fundargerðaskrifum.“ Tinna segir Skaftfell reisulegt hús og setja sterkan svip á götumyndina í suðurhluta bæjarins. „Hér eru mörg upprunaleg hús í kring sem verða vernduð líka, eins og svo mörg önnur hús á Seyðisfirði.“ Listsýningar eru hjarta starfseminnar að sögn Tinnu. „Nú erum við að opna fjórar til sex sýningar á ári. Fjöldinn sem mætir er í kringum 5.000 manns. Ég væri alveg til í að hann væri meiri.“ Gestavinnustofur er annar liður. „Hingað koma um 40 alþjóðlegir listamenn á ári og dvelja í að minnsta kosti mánuð. Við höldum vel utan um þá og hjálpum þeim að aðlagast þessu jaðarsvæði sem við búum á. Svona gestavinnustofur opna ýmsar dyr.“ Samstarf Skaftfells við Listaháskólann komst á 2001 og námshópar hafa komið austur reglulega síðan að sögn Tinnu. „Ég var sjálf í slíkum hópi árið 2002,“ rifjar hún upp og kveðst aðspurð hafa flutt austur fyrir sex og hálfu ári. „Ég flutti úr 101 með fjölskylduna, við vorum föst í of lítilli íbúð og höfðum ekki efni á að búa lengur í borginni.“ Hún segir ofboðslega gott að vera á Seyðisfirði. „Hér er listamannanýlenda og alltaf eitthvað að gerast, ég minni til dæmis á hátíðina LungA sem hefur verið fastur liður í áraraðir.“ Sýningin K A P A L L stendur til 2. september. „Þá ætlum við að halda sýningu á verkum eftir Gunnlaug Scheving og Nínu Tryggvadóttur, það er liður í fræðsludagskránni okkar,“ upplýsir Tinna. „Við ætlum að bjóða austfirskum nemendum að koma og læra um Gunnlaug og Nínu, gera smiðju fyrir þá, það höfum við gert í mörg ár.“ gun@frettabladid.is
Birtist í Fréttablaðinu Mest lesið Sveitarstjórn reyni að skrá íbúa úr sveitarfélaginu og ógni grundvallarréttindum Innlent Lögregla kölluð til eftir að bremsuvírar voru klipptir á reiðhjólum barna Innlent Skoða að efla geðheilbrigðisþjónustu á Austurlandi eftir röð áfalla Innlent Hleypur 110 kílómetra á dag til að setja heimsmet Innlent Kjölur ekki á dagskrá Innlent Fólk deili lyfseðlum og „míkródósi“: „Við getum ekki réttlætt þá meðferð“ Innlent Lögregla hafi hlaupið á sig á Siglufirði: „Þetta eru einstök prúðmenni“ Innlent Ástand á stúdentagörðum: Ítrekuð innbrot, mat stolið, dýnur í kjallara og hland á gólfi Innlent „Mér hefur aldrei verið sýnd jafn mikil vanvirðing“ Innlent Yfirgefið hreysi víkur fyrir hundrað íbúðum Innlent Fleiri fréttir Sveitarstjórn reyni að skrá íbúa úr sveitarfélaginu og ógni grundvallarréttindum Skoða að efla geðheilbrigðisþjónustu á Austurlandi eftir röð áfalla Kjölur ekki á dagskrá Lögregla kölluð til eftir að bremsuvírar voru klipptir á reiðhjólum barna Hleypur 110 kílómetra á dag til að setja heimsmet Fólk deili lyfseðlum og „míkródósi“: „Við getum ekki réttlætt þá meðferð“ Deila lyfseðlum fyrir þyngdarstjórnunarlyf og undankeppni HM hefst Starfsfólk Alcoa vilji setja fyrirtækinu mörk Lögregla hafi hlaupið á sig á Siglufirði: „Þetta eru einstök prúðmenni“ Ætla að rannsaka meint undirboð á kísilmálmi „Mér hefur aldrei verið sýnd jafn mikil vanvirðing“ Hélt eiginkonu og fimm börnum í heljargreipum Breyta Korpuskóla til að anna eftirspurn í Klettaskóla Vegabætur á Vestfjörðum opni tækifæri í vetrarferðamennsku Vilja aðgerðir strax Ástand á stúdentagörðum: Ítrekuð innbrot, mat stolið, dýnur í kjallara og hland á gólfi „Geta verið dauðsföll, þú veist ekkert hvað er í þessu“ Öllum börnum undir sex mánaða boðin forvörn gegn RS veiru Vildu fá að vita hvort ríkisstyrkir hefðu farið í málsóknir gegn orkuframkvæmdum Vara við ólöglegum megrunarlyfjum sem eru í umferð Konan er fundin Sextán ára kveikti í herbergi sínu Þremur sleppt úr haldi og brotaþoli útskrifaður „Það kemur að því að við lendum í veseni“ Ekki hægt að þaga þegar stjórnmálamenn leika sér að því að særa fram tröllin 252,6 milljónir runnið í ríkissjóð úr dánarbúum án lögerfingja á tíu árum Þrjú söfn í eina sæng Yfirgefið hreysi víkur fyrir hundrað íbúðum Líkamsárás á gistiheimili „Ekkert óeðlilegt við það að endurskoða þetta kerfi“ Sjá meira