Frábær endir á fyrri níu hjá Ólafíu Þórunni

Ólafía Þórunn Kristinsdóttir spilaði fyrri níu holurnar á tveimur höggum undir pari á á Thornberry Creek LPGA mótinu í Oneida í Wisconsin fylki í Bandaríkjunum.

Ólafía fékk fugl á bæði áttundu og níundu holu og lék því holurnar níu á 34 holum.

Ragnar Már Garðarsson, afrekskylfingur úr GKG, er aðstoðarmaður hennar í þessu móti líkt og á undanförnum mótum.

Mótið er það fimmtánda á keppnistímabilinu hjá Ólafíu. Hún hefur komist í gegnum niðurskurðinn á fjórum þeirra. Ólafía Þórunn er í 128. sæti CME listans fyrir þetta mót.

Hringurinn byrjaði ekki vel því Ólafía fékk skolla á fyrstu holu.

Ólafía lét það ekki trufla sig of mikið. Hún fékk fugl á þriðju holu og paraði síðan fjórar næstu holur þar til að hún kom á áttundu holuna.

Ólafía lék áttundu holuna (par 3) á tveimur höggum og svo níundu holuna (par 5) á fjórum höggum.

Ólafía Þórunn er því á tveimur höggum undir pari sem skilar henni eins og er í 9. sæti á mótinu. Margir kylfingar eiga hinsvegar eftir að fara út en Ólafía var með þeim fyrstu af stað.