Fimm sem gætu farið þegar að glugginn verður opnaður í Pepsi-deildinni Tómas Þór Þórðarson skrifar 10. júlí 2018 12:00 Arnór Sveinn, Túfa, Castillion, Guðjón Pétur og Þorri Geir. vísir/vilhelm Félagaskiptaglugginn í íslenska fótboltanum verður opnaður venju samkvæmt 15. júlí sem er á sunnudaginn en þá geta liðin í Pepsi-deildinni farið að styrkja sig fyrir átökin í seinni hluta mótsins. Leikmenn ganga þá kaupum og sölum en þau lið sem gera hvað best á júlímarkaðnum geta breytt sumri sínu. Dæmi eru til um það. Glugginn stendur opinn í tvær vikur og nú þegar eru nokkur félagaskipti orðin klár. Breiðablik er búið að landa dönskum sóknarmanni og sendir Hrvoje Tokic í Selfoss og þá eru Valsmenn komnir með sænskan varnarmann sem kemur til með að leysa Rasmus Christiansen af hólmi en Daninn meiddist illa á dögunum. FH-ingar eru einnig búnir að ganga frá félagskiptum á færeyskum framherja til að bæta í vopnabúrið sitt en þeir ætla svo sannarlega að vera með í toppbaráttunni allt til enda. Vísir listar hér upp fimm leikmenn sem gætu mögulega verið á förum frá sínum liðum í glugganum. Þetta eru allt frábærir leikmenn sem kannski þurfa bara á nýju umhverfi að halda.Framherjinn skoraði ellefu mörk í 16 leikjum í fyrra.vísir/vilhelmGeoffrey CastillionLið: FHAldur: 27 áraStaða: FramherjiLeikir (mörk): 10 (1) The Curious Case of Castillion yrði líklega vinsælli mynd um Benjamín Button. Hvað kom fyrir Hollendinginn stóra sem að skoraði ellefu mörk í 16 leikjum fyrir fallbaráttulið Víkings á síðustu leiktíð? Það hefur ekki nokkur maður getað svarað því nema með afsökunum um þurrt gervigras en Castillion skorar hvorki á blautu né þurru gervigrasi né alvöru grasi, möl eða malbiki. Eina markið hans var pot af stuttu færi gegn slakasta liði deildarinnar, Keflavík. FH-ingar hafa enga þolinmæði fyrir svona frammistöðu enda er Hafnarfjarðarrisinn búinn að fjárfesta í færeyskum framherja sem mun líklega taka stöðu Castillion þegar að glugginn opnar á sunnudaginn. Þá færist sá hollenski aftar í goggunarröðina. FH vill vafalítið ekki taka sénsinn á að hann fari að raða inn mörkum fyrir lið í toppbaráttunni þannig kannski verður hann lánaður í einhvern iðnað neðar í töflunni þar sem honum að minnsta kosti leið vel síðasta sumar.Góður leikmaður geymdur á bekknum.vísir/vilhelmGuðjón Pétur LýðssonLið: ValurAldur: 30 áraStaða: MiðjumaðurLeikir (mörk): 8 (1) Er þessi saga að fara aftur af stað? Já, mjög líklega. Guðjón Pétur er ekki leikmaður sem vill vera á bekknum og er alls ekki leikmaður sem á heima á einum einasta varamannabekk. Átta mörk í 21 leik fyrir meistaralið Vals í fyrra er bara síðasta dæmi þess. Guðjón reyndi að komast burt í maí en það tókst ekki. Tveir byrjunarliðsleikir í lok júní róuðu hann eflaust í smá tíma en hann byrjaði svo aðeins einn leik af sex eftir það og var tvisvar sinnum ónotaður varamaður. Valsmenn vilja halda hópnum eins sterkum og mögulegt er á meðan liðið er enn á lífi í Meistaradeildinni en óvíst er hvort það komist í gegnum norska risann Rosenborg. Evrópudraumar Vals verða kannski úti á næstu tveimur vikum og þá eru „bara“ deildarleikirnir eftir. Staðan er snúin fyrir Guðjón eins og hann sá í maí því hann vill auðvitað bara fara til toppliðs en Valsmenn ætla ekki að styrkja liðin í kringum sig með svona vænum bita.Túfa hefur ekki náð sér á strik í sumar.vísir/vilhelmVladimir TufegdzicLið: VíkingurAldur: 27 áraStaða: Framherji/vængmaðurLeikir (mörk): 7 (0) Serbinn eldfljóti virðist algjörlega búinn í Víkinni. Hann byrjaði fyrstu sjö leiki mótsins án þess að skora né leggja upp mark og var tekinn út af í öllum leik nema einum. Víkingar unnu aðeins einn leik af þessum sjö en án hans hafa þeir nú unnið þrjá af síðustu fjórum. Túfa, eins og hann er kallaður, hefur ekki komið við sögu í síðustu fjórum leikjum og verið ónotaður varamaður í þremur síðustu. Túfa er frábær leikmaður þegar að hann er í stuði og hefur reynst Víkingum vel en það virðist vera kominn tími á að hann skipti um umhverfi og finni aftur fjöl sína því hann er illviðráðanlegur þegar hann spilar eins og hann á að sér. Það eru vafalítið mörg lið sem myndu vilja reyna að finna „on“-takkann á Serbanum ef Víkingar setja hann á markaðinn á sunnudaginn.Fyrrverandi Íslandsmeistarinn á nokkur góð ár eftir.vísir/vilhelmArnór Sveinn AðalsteinssonLið: KRAldur: 32 áraStaða: Bakvörður/miðvörðurLeikir (mörk): 3 (0) Varnarmaðurinn úr Kópavoginum er algjörlega týndur og tröllum gefinn í Vesturbænum þar sem að hann virðist ekki í framtíðarplönum Rúnars Kristinssonar í uppbyggingunni hjá KR. Arnór Sveinn var í byrjunarliðinu í fyrsta leik á móti Val en hefur síðan aðeins einu sinni verið í byrjunarliðinu og einu sinni komið inn á sem varamaður. Það gera átta leiki sem ónotaður varamaður. Þessi fjölhæfi varnarmaður sem getur bæði spilað sem bakvörður og miðvörður var ólíkur sjálfum sér í fyrra en hann er ekki nema 32 ára, í góðu formi og á nokkur góð ár eftir í Pepsi-deildinni. Hann gæti nýst nokkrum liðum vel og náð fínum endaspretti á sínum ferli í efstu deild. Arnór er mikill leiðtogi og var áður fyrirliði Breiðabliks þannig hann hefur meira fram að færa en bara það sem gerist inn á vellinum.Það er mikið spunnið í þennan miðjumann.vísir/vilhelmÞorri Geir RúnarssonLið: StjarnanAldur: 23 áraStaða: MiðjumaðurLeikir (mörk): 4 (0) Miðjumaðurinn magnaði sem sló svo rækilega í gegn þegar að Stjarnan varð meistari árið 2014 hefur ekki alveg náð sömu hæðum og fyrstu tvö ár meistaraflokksferilsins, bæði vegna meiðsla og stuttrar skólagöngu í Bandaríkjunum. Meiðsli hafa sett strik í reikninginn hjá þessum útsjónarsama miðjumanni sem er í miklum metum hjá þjálfara liðsins en hann hefur aðeins spilað sex leiki í sumar eftir að spila tvo á síðustu leiktíð. Þorri Geir var í byrjunarliðinu hjá Stjörnunni í fyrsta og eina sinn í sumar í fjórðu umferð en hefur aðeins einu sinni komið inn á síðan þá þrátt fyrir að vera í hóp í sex leikjum af átta. Það er erfitt fyrir hann að komast að með mann eins og Eyjólf Héðinsson á undan sér á bekknum. Það er ólíklegt að Stjarnan myndi láta sinn mann fara og jafnvel ólíklegt að Þorri vilji fara en þeir sem vita hvað Þorri getur vita að hans hæfileikum er sóað með endalausri bekkjarsetu og gæti verið fínt fyrir hann að skipta um umhverfi. Pepsi Max-deild karla Mest lesið „Okkur fannst það skylda að klára með sigri“ Körfubolti Slæm höfuðmeiðsli Le Normand eftir áreksturinn við Tchouaméni Fótbolti GAZið: „Ætla að reyna aðeins meira á mig,“ Körfubolti Haukar og Valur byrja Bónus deildina á sigrum Körfubolti Á met sem enginn vill Fótbolti Dortmund í sjöunda himni | Stórsigrar hjá Barcelona og Inter Fótbolti Öruggt hjá Skyttunum Fótbolti Í beinni þegar tilkynnt var að hann væri rekinn Fótbolti Uppgjörið: Njarðvík - Grindavík 60-54 | Kvöddu Ljónagryfjuna með sigri Körfubolti Sonur Zlatans í fyrsta sinn í landslið Fótbolti Fleiri fréttir Tarik í bann eftir fræknu frammistöðuna Sjáðu slysalegt sjálfsmark og Emil skora í tólfta sinn Hilmar Árni: Þurftum að vinna, gerðum það og svo bara næsti leikur Uppgjörið og viðtöl: Stjarnan - ÍA 3-0 | Stjarnan gerir atlögu að Evrópusætinu Oliver við æfingar á Englandi eftir frábært tímabil með ÍBV Sjáðu mörkin: Hetjan Tarik lyfti Víkingum á toppinn | Sjö mörk KR kaffærðu Fram Fær Njarðvík frekar stimpilinn? „Væri gaman að spila við þá í hverri einustu viku” Uppgjörið,viðtöl og myndir: Fylkir - KA 1-3 | KA kom Fylki í vonlitla stöðu Uppgjörið: Valur - Víkingur 2-3 | Draumamark Tariks kom Víkingi á toppinn „Ætli svona 4-3 hefði ekki verið sanngjarnt“ „Hún er þarna til að verja og hún gerir það vel“ Uppgjörið: Þróttur - Þór/KA 0-0 | Markalaust í Laugardalnum Uppgjörið og viðtöl: FH - Breiðablik 0-1 | Kristinn kom Blikum á toppinn með marki úr hornspyrnu Uppgjörið: KR - Fram 7-1 | Benóný Breki og KR með sýningu Uppgjörið: Vestri - HK 2-1 | Vestri úr fallsæti og með örlögin í eigin höndum „Sannfærður um að við séum að einblína á röngu hlutina“ Vonbrigða tímabil Vals getur skorið úr um hvar titillinn endar Hveragerði fær stimpilinn frá Mosó KR upp um deild og Haukar tóku við bikarnum „Þetta er bara besta móment lífs míns“ Uppgjörið: Keflavík - Afturelding 0-1 | Mosfellingar í efstu deild karla í fótbolta í fyrsta sinn „Ég bara hágrét í leikslok“ „Þetta endar eins og þetta á að enda“ Uppgjörið: Víkingur - Valur 1-2 | Íslandsmeistararnir fá úrslitaleik á heimavelli Uppgjörið: Breiðablik - FH 4-2 | Breiðablik vann í markaleik og mætir Val í hreinum úrslitaleik Utan vallar: Ungt og leikur sér Selfoss fór með sigur af hólmi á Laugardalsvelli Fram fær liðsstyrk úr Breiðholti „Þetta er dýrmætur tími og maður finnur hvað þetta skiptir mann miklu máli“ Sjá meira
Félagaskiptaglugginn í íslenska fótboltanum verður opnaður venju samkvæmt 15. júlí sem er á sunnudaginn en þá geta liðin í Pepsi-deildinni farið að styrkja sig fyrir átökin í seinni hluta mótsins. Leikmenn ganga þá kaupum og sölum en þau lið sem gera hvað best á júlímarkaðnum geta breytt sumri sínu. Dæmi eru til um það. Glugginn stendur opinn í tvær vikur og nú þegar eru nokkur félagaskipti orðin klár. Breiðablik er búið að landa dönskum sóknarmanni og sendir Hrvoje Tokic í Selfoss og þá eru Valsmenn komnir með sænskan varnarmann sem kemur til með að leysa Rasmus Christiansen af hólmi en Daninn meiddist illa á dögunum. FH-ingar eru einnig búnir að ganga frá félagskiptum á færeyskum framherja til að bæta í vopnabúrið sitt en þeir ætla svo sannarlega að vera með í toppbaráttunni allt til enda. Vísir listar hér upp fimm leikmenn sem gætu mögulega verið á förum frá sínum liðum í glugganum. Þetta eru allt frábærir leikmenn sem kannski þurfa bara á nýju umhverfi að halda.Framherjinn skoraði ellefu mörk í 16 leikjum í fyrra.vísir/vilhelmGeoffrey CastillionLið: FHAldur: 27 áraStaða: FramherjiLeikir (mörk): 10 (1) The Curious Case of Castillion yrði líklega vinsælli mynd um Benjamín Button. Hvað kom fyrir Hollendinginn stóra sem að skoraði ellefu mörk í 16 leikjum fyrir fallbaráttulið Víkings á síðustu leiktíð? Það hefur ekki nokkur maður getað svarað því nema með afsökunum um þurrt gervigras en Castillion skorar hvorki á blautu né þurru gervigrasi né alvöru grasi, möl eða malbiki. Eina markið hans var pot af stuttu færi gegn slakasta liði deildarinnar, Keflavík. FH-ingar hafa enga þolinmæði fyrir svona frammistöðu enda er Hafnarfjarðarrisinn búinn að fjárfesta í færeyskum framherja sem mun líklega taka stöðu Castillion þegar að glugginn opnar á sunnudaginn. Þá færist sá hollenski aftar í goggunarröðina. FH vill vafalítið ekki taka sénsinn á að hann fari að raða inn mörkum fyrir lið í toppbaráttunni þannig kannski verður hann lánaður í einhvern iðnað neðar í töflunni þar sem honum að minnsta kosti leið vel síðasta sumar.Góður leikmaður geymdur á bekknum.vísir/vilhelmGuðjón Pétur LýðssonLið: ValurAldur: 30 áraStaða: MiðjumaðurLeikir (mörk): 8 (1) Er þessi saga að fara aftur af stað? Já, mjög líklega. Guðjón Pétur er ekki leikmaður sem vill vera á bekknum og er alls ekki leikmaður sem á heima á einum einasta varamannabekk. Átta mörk í 21 leik fyrir meistaralið Vals í fyrra er bara síðasta dæmi þess. Guðjón reyndi að komast burt í maí en það tókst ekki. Tveir byrjunarliðsleikir í lok júní róuðu hann eflaust í smá tíma en hann byrjaði svo aðeins einn leik af sex eftir það og var tvisvar sinnum ónotaður varamaður. Valsmenn vilja halda hópnum eins sterkum og mögulegt er á meðan liðið er enn á lífi í Meistaradeildinni en óvíst er hvort það komist í gegnum norska risann Rosenborg. Evrópudraumar Vals verða kannski úti á næstu tveimur vikum og þá eru „bara“ deildarleikirnir eftir. Staðan er snúin fyrir Guðjón eins og hann sá í maí því hann vill auðvitað bara fara til toppliðs en Valsmenn ætla ekki að styrkja liðin í kringum sig með svona vænum bita.Túfa hefur ekki náð sér á strik í sumar.vísir/vilhelmVladimir TufegdzicLið: VíkingurAldur: 27 áraStaða: Framherji/vængmaðurLeikir (mörk): 7 (0) Serbinn eldfljóti virðist algjörlega búinn í Víkinni. Hann byrjaði fyrstu sjö leiki mótsins án þess að skora né leggja upp mark og var tekinn út af í öllum leik nema einum. Víkingar unnu aðeins einn leik af þessum sjö en án hans hafa þeir nú unnið þrjá af síðustu fjórum. Túfa, eins og hann er kallaður, hefur ekki komið við sögu í síðustu fjórum leikjum og verið ónotaður varamaður í þremur síðustu. Túfa er frábær leikmaður þegar að hann er í stuði og hefur reynst Víkingum vel en það virðist vera kominn tími á að hann skipti um umhverfi og finni aftur fjöl sína því hann er illviðráðanlegur þegar hann spilar eins og hann á að sér. Það eru vafalítið mörg lið sem myndu vilja reyna að finna „on“-takkann á Serbanum ef Víkingar setja hann á markaðinn á sunnudaginn.Fyrrverandi Íslandsmeistarinn á nokkur góð ár eftir.vísir/vilhelmArnór Sveinn AðalsteinssonLið: KRAldur: 32 áraStaða: Bakvörður/miðvörðurLeikir (mörk): 3 (0) Varnarmaðurinn úr Kópavoginum er algjörlega týndur og tröllum gefinn í Vesturbænum þar sem að hann virðist ekki í framtíðarplönum Rúnars Kristinssonar í uppbyggingunni hjá KR. Arnór Sveinn var í byrjunarliðinu í fyrsta leik á móti Val en hefur síðan aðeins einu sinni verið í byrjunarliðinu og einu sinni komið inn á sem varamaður. Það gera átta leiki sem ónotaður varamaður. Þessi fjölhæfi varnarmaður sem getur bæði spilað sem bakvörður og miðvörður var ólíkur sjálfum sér í fyrra en hann er ekki nema 32 ára, í góðu formi og á nokkur góð ár eftir í Pepsi-deildinni. Hann gæti nýst nokkrum liðum vel og náð fínum endaspretti á sínum ferli í efstu deild. Arnór er mikill leiðtogi og var áður fyrirliði Breiðabliks þannig hann hefur meira fram að færa en bara það sem gerist inn á vellinum.Það er mikið spunnið í þennan miðjumann.vísir/vilhelmÞorri Geir RúnarssonLið: StjarnanAldur: 23 áraStaða: MiðjumaðurLeikir (mörk): 4 (0) Miðjumaðurinn magnaði sem sló svo rækilega í gegn þegar að Stjarnan varð meistari árið 2014 hefur ekki alveg náð sömu hæðum og fyrstu tvö ár meistaraflokksferilsins, bæði vegna meiðsla og stuttrar skólagöngu í Bandaríkjunum. Meiðsli hafa sett strik í reikninginn hjá þessum útsjónarsama miðjumanni sem er í miklum metum hjá þjálfara liðsins en hann hefur aðeins spilað sex leiki í sumar eftir að spila tvo á síðustu leiktíð. Þorri Geir var í byrjunarliðinu hjá Stjörnunni í fyrsta og eina sinn í sumar í fjórðu umferð en hefur aðeins einu sinni komið inn á síðan þá þrátt fyrir að vera í hóp í sex leikjum af átta. Það er erfitt fyrir hann að komast að með mann eins og Eyjólf Héðinsson á undan sér á bekknum. Það er ólíklegt að Stjarnan myndi láta sinn mann fara og jafnvel ólíklegt að Þorri vilji fara en þeir sem vita hvað Þorri getur vita að hans hæfileikum er sóað með endalausri bekkjarsetu og gæti verið fínt fyrir hann að skipta um umhverfi.
Pepsi Max-deild karla Mest lesið „Okkur fannst það skylda að klára með sigri“ Körfubolti Slæm höfuðmeiðsli Le Normand eftir áreksturinn við Tchouaméni Fótbolti GAZið: „Ætla að reyna aðeins meira á mig,“ Körfubolti Haukar og Valur byrja Bónus deildina á sigrum Körfubolti Á met sem enginn vill Fótbolti Dortmund í sjöunda himni | Stórsigrar hjá Barcelona og Inter Fótbolti Öruggt hjá Skyttunum Fótbolti Í beinni þegar tilkynnt var að hann væri rekinn Fótbolti Uppgjörið: Njarðvík - Grindavík 60-54 | Kvöddu Ljónagryfjuna með sigri Körfubolti Sonur Zlatans í fyrsta sinn í landslið Fótbolti Fleiri fréttir Tarik í bann eftir fræknu frammistöðuna Sjáðu slysalegt sjálfsmark og Emil skora í tólfta sinn Hilmar Árni: Þurftum að vinna, gerðum það og svo bara næsti leikur Uppgjörið og viðtöl: Stjarnan - ÍA 3-0 | Stjarnan gerir atlögu að Evrópusætinu Oliver við æfingar á Englandi eftir frábært tímabil með ÍBV Sjáðu mörkin: Hetjan Tarik lyfti Víkingum á toppinn | Sjö mörk KR kaffærðu Fram Fær Njarðvík frekar stimpilinn? „Væri gaman að spila við þá í hverri einustu viku” Uppgjörið,viðtöl og myndir: Fylkir - KA 1-3 | KA kom Fylki í vonlitla stöðu Uppgjörið: Valur - Víkingur 2-3 | Draumamark Tariks kom Víkingi á toppinn „Ætli svona 4-3 hefði ekki verið sanngjarnt“ „Hún er þarna til að verja og hún gerir það vel“ Uppgjörið: Þróttur - Þór/KA 0-0 | Markalaust í Laugardalnum Uppgjörið og viðtöl: FH - Breiðablik 0-1 | Kristinn kom Blikum á toppinn með marki úr hornspyrnu Uppgjörið: KR - Fram 7-1 | Benóný Breki og KR með sýningu Uppgjörið: Vestri - HK 2-1 | Vestri úr fallsæti og með örlögin í eigin höndum „Sannfærður um að við séum að einblína á röngu hlutina“ Vonbrigða tímabil Vals getur skorið úr um hvar titillinn endar Hveragerði fær stimpilinn frá Mosó KR upp um deild og Haukar tóku við bikarnum „Þetta er bara besta móment lífs míns“ Uppgjörið: Keflavík - Afturelding 0-1 | Mosfellingar í efstu deild karla í fótbolta í fyrsta sinn „Ég bara hágrét í leikslok“ „Þetta endar eins og þetta á að enda“ Uppgjörið: Víkingur - Valur 1-2 | Íslandsmeistararnir fá úrslitaleik á heimavelli Uppgjörið: Breiðablik - FH 4-2 | Breiðablik vann í markaleik og mætir Val í hreinum úrslitaleik Utan vallar: Ungt og leikur sér Selfoss fór með sigur af hólmi á Laugardalsvelli Fram fær liðsstyrk úr Breiðholti „Þetta er dýrmætur tími og maður finnur hvað þetta skiptir mann miklu máli“ Sjá meira
Uppgjörið: Keflavík - Afturelding 0-1 | Mosfellingar í efstu deild karla í fótbolta í fyrsta sinn