Ægir og Alex Freyr sömdu við KR

Alex Freyr Hilmarsson og Ægir Jarl Jónasson gengu til liðs við KR í dag og munu spila með liðinu í Pepsi deild karla næsta sumar.

Alex er 25 ára og kemur frá Víkingi Reykjavík. Þar hefur hann verið lykilmaður undan farin ár en hann hefur einnig spilað með Sindra og Grindavík.

Orðrómur um að hann væri búinn að semja við KR fór á loft áður en tímabilinu lauk í haust og er það nú orðið frágengið.

Ægir Jarl er tvítugur, uppalinn Fjölnismaður og spilaði með þeim í Pepsi deildinni í sumar þar sem þeir féllu úr deildinni. Hann á þrjá U21 landsleiki fyrir Ísland.

Báðir gerðu þeir þriggja ára samning við Vesturbæjarliðið.

KR endaði í fjórða sæti í Pepsi deild karla í sumar.

Við bjóðum Alex Frey Hilmarsson og Ægi Jarl Jónasson velkomna í @KRreykjavik. Við væntum mikils af þeim næstu árin. #allirsemeinnpic.twitter.com/ChY51ZV1Nj

— KR Reykjavik FC (@KRreykjavik) October 26, 2018