Sex ár síðan Zlatan skoraði eitt flottasta mark sögunnar | Sjáðu markið

Zlatan Ibrahimovic hefur skorað mörg geggjuð mörk á ferlinum en hans flottasta kom í landsleik gegn Englendingum fyrir sex árum síðan.

Þetta var vináttulandsleikur í Stokkhólmi. Staðan var 1-2 fyrir England er tólf mínútur voru til leiksloka. Þá tók Zlatan leikinn yfir.

Hann skoraði þrennu á lokamínútum leiksins og lokamarkinu mun enginn gleyma. Hjólhestaspyrnu nánast úr stúkunni og í markið. Mark sem bara Zlatan gæti skorað.

Svíinn ótrúlegi skoraði sem sagt öll fjögur mörk sinna manna í leiknum. Þessa lygilegu frammistöðu má sjá hér að neðan.