Erlent

Fjórir finnskir ferðamenn fórust í flugslysi í Simbabve

Andri Eysteinsson skrifar
Cessna 182 vél á flugi. Slík vél brotlenti í Simbabve í dag.
Cessna 182 vél á flugi. Slík vél brotlenti í Simbabve í dag.
Lítil Cessna 182 flugvél með fjóra farþega innanborðs auk flugmanns fórst í dag í Masvingo héraði afríkuríkisins Simbabve. Allir innanborðs létust.

Farþegarnir voru allir finnskir ríkisborgarar og var flugmaðurinn frá Simbabve. Finnski miðillinn Yle greinir frá.

Samkvæmt simbabveska miðlinum Zimlive, brotlenti vélin í grjótlendi og varð eyðileggingin slík að viðbragðsaðilar töldu að eingöngu hafi þrír verið um borð í vélinni. Rannsókn á tildrögum slyssins stendur nú yfir.

Vélin var á leið frá bænum Chirezdi til Viktoríufossa þegar vélin hrapaði.

Afríka Fréttir af flugi Norðurlönd Simbabve

Mest lesið


Fleiri fréttir

Sjá meira


×

Mest lesið