Færri börn dvelja í Kvennaathvarfinu

Um það bil helmingi færri börn komu til dvalar í Kvenna­athvarfinu á árinu sem er að líða en í fyrra. Samkvæmt upplýsingum frá Kvennaathvarfinu hafa 57 börn komið til dvalar þar það sem af er ári en þau voru 126 í fyrra.

Fjöldi kvenna sem koma til dvalar í athvarfinu er hins vegar svipaður milli ára. Þær voru 149 í fyrra en eru 123 það sem af er þessu ári. Auk þeirra kvenna sem komið hafa til dvalar í Kvennaathvarfinu hafa 216 konur komið í samtals 448 viðtöl á árinu.