Maður lést við störf í Vaðla­heiðar­göngum

Karlmaður á sjötugsaldri lést í Vaðlaheiðargöngum í gær. Maðurinn sem er málari var að vinna í tæknirými í göngunum þegar hann féll frá. Hann fannst á fjórða tímanum í gær.

Bergur Jónasson, aðstoðaryfirlögregluþjónn hjá rannsóknardeild lögreglunnar á Norðurlandi eystra, segir í samtali við Mbl.is að ekkert bendi til þess að maðurinn hafi orðið fyrir eitrun eða öðru vinnutengdu sem leiddi til andlátsins.

Ekki er talið að andlátið hafi borið að með saknæmum hætti en bíða þarf krufningar til að staðfesta dánarorsök.