Oddur framlengir við Balingen

Hornamaðurinn Oddur Gretarsson er ekki á faraldsfæti því hann hefur skrifað undir nýjan tveggja ára samning við Balingen.

Hann gekk í raðir félagsins árið 2017 og hefur staðið sig frábærlega. Félagið er því afar ánægt með að hafa tryggt sér þjónustu hans áfram.

Hinn 28 ára gamli Oddur segir í fréttatilkynningu að sér líði afar vel hjá félaginu og því hafi hann endilega viljað framlengja við félagið.

Balingen er í þýsku B-deildinni en stendur vel að vígi í baráttunni um að komast aftur upp í efstu deild.