Nikolaj Coster-Waldau spókar sig um í Reykjavík

Ein aðalstjarnan í þáttunum vinsælu Game of Thrones Nikolaj Coster-Waldau er hér á landi með fjölskyldu sinni.

Hann greinir frá þessu á Instagram og birtir myndband frá Skólavörðustígnum og á ferðalagi sínu úti á landi. Þetta birtist í hans sögu á Instagram.

Daninn fer með hlutverk Jaime Lannister í þáttunum og er hann einn af launahæstu leikurum heims en hann fær 1 milljón dollara fyrir hvern þátt í laun.

Samkvæmt heimildum Vísis var hann á le Kock í miðbæ Reykjavíkur í kvöld.

Coster-Waldau hefur komið til Íslands áður en þó aldrei við tökur fyrir Game of Thrones. Leikarar úr Game of Thrones virðast reglulegir gestir hér á landi og til marks um það var norski leikarinn Kristofer Hivju hér á landi í síðasta mánuði, samkvæmt Fréttablaðinu.



Sophie Turner, Maisie Williams, Kit Haringont, Emilia Clarke og margir aðrir hafa einnig komið til Íslands.