Þriðja stórslysið á 100 kílómetra kafla á Suðurlandsvegi Sunna Kristín Hilmarsdóttir skrifar 17. maí 2019 16:00 Séð inn í rútuna sem fór út af veginum við Hof í Öræfum í gær. vísir/friðrik þór Björgunarsveitarfólk sem var á leið á landsþing Landsbjargar á Egilsstöðum í gær var á meðal þeirra sem komu til aðstoðar á slysstað við Hof í gær þar sem að rúta með 32 kínverska ferðamenn auk ökumanns fór út af veginum. Björgunarsveitarmenn í björgunarsveitinni Kára í Öræfum voru fyrstir á vettvang. Viðbragð þeirra skiptir gríðarlegu miklu máli að sögn Sveins Kristjáns Rúnarssonar, yfirlögregluþjóns á Suðurlandi, þar sem 100 kílómetrar séu í hvora átt í sjúkraflutningamenn og annað viðbragð. Slysið í gær er þriðja stórslysið í umferðinni á 17 mánaða tímabili sem verður á um 100 kílómetra vegakafla frá Eldhrauni og inn í Öræfi að Hofgarði þar sem slysið varð í gær. Í desember 2017 varð alvarlegt umferðarslys í Eldhrauni þegar rúta með 44 kínverska ferðamenn fór út af Suðurlandsvegi, um sex kílómetra vestur af Kirkjubæjarklaustri. Tveir létust í slysinu og fjölmargir slösuðust alvarlega. Akkúrat ári síðar, þann 27. desember 2018, varð annað banaslys ekki langt frá Eldhrauni, eða um 50 kílómetra í austur, þegar jeppi fór fram af brúnni yfir Núpsvötn með þeim afleiðingum að þrír létu lífið og fjórir slösuðust alvarlega.Mikill viðbúnaður var vegna slyssins í gær.vísir/jóhann k.Á milli 60 og 70 manns komu að aðgerðunum Sveinn Kristján segir að björgunarsveitarmenn í Öræfum séu yfirleitt fyrstir á vettvang slysa á þessu svæði og svo var einnig í gær eins og áður segir. „Svo vildi heppilega til að það er landsþing Landsbjargar austur á Egilsstöðum þannig að það var slatti af fólki sem kom okkur til aðstoðar,“ segir Sveinn sem telur að á milli 60 og 70 manns hafi komið að aðgerðum í gær þegar allt er talið, til dæmis samhæfingarstöðin í Skógarhlíð og dönsku þyrluflugmennirnir sem flugu austur af herskipinu sem var í Reykjavíkurhöfn. Oddur Árnason, yfirlögregluþjónn á Suðurlandi, sagði í hádegisfréttum RÚV að mannslífum hafi líklega verið bjargað á slysstað í gær þar sem skamman tíma tók að lyfta rútunni og losa þá tvo farþega sem voru fastir undir henni. Sveinn Rúnar tekur undir þetta og segir það hafa gert gæfumuninn hversu hratt það gekk að losa farþegana undan rútunni.Sveinn Kristján Rúnarsson, yfirlögregluþjónn hjá Lögreglunni á SuðurlandiVísir/Stöð2Ansi langt í viðbragð Staðurinn þar sem slysið varð í gær er sá staður í umdæmi lögreglunnar á Suðurlandi þar sem hvað lengst er í viðbragð lögreglu og sjúkraflutninga. „Já, það er ansi langt í viðbragð. Næstu atvinnumenn eru 100 kílómetra í burtu í hvora átt þannig að við þurfum að treysta á björgunarsveitarmenn í Öræfum sem hafa staðið sig aftur og aftur eins og hetjur,“ segir Sveinn Rúnar. Hann segir aðspurður að það séu innan við tíu manns virkir í björgunarsveitinni Kára. Það er því ekki ofsögum sagt að það er mikið álag á ekki stærri sveit að koma ítrekað fyrst á vettvang í alvarlegum umferðarslysum. „Viðbragðið þarna skiptir gríðarlega miklu. Við eigum algjörar hetjur í Öræfunum sem hafa staðið sig alveg gríðarlega vel aftur og aftur og þarna á svæðinu. Þetta er alltaf sama fólkið. Ef við horfum líka á Klaustur og Vík og austur til Hafnar. Það er alltaf sama fólkið sem er að koma að þessum stóru atburðum þarna,“ segir Sveinn.Dönsk herþyrla var notuð til að ferja mannskap til og frá slysstað í gær.vísir/jóhann k.Væri mjög gott að hafa viðbragðsbíl og lögreglu á staðnum Sveinn tekur undir orð Elínar Freyju Hauksdóttur, læknis á Höfn, í viðtali við fréttastofu í gær þar sem hún sagði horft til þess að það verði að minnsta kosti sjúkraflutningamenn eða hjúkrunarfræðingur til staðar í Skaftafelli þar sem þúsundir manns koma daglega. „Það væri mjög gott að vera með í kringum Skaftafell eða á þessu svæði einhvern svipaðan viðbragðsbíl eins og er upp á Þingvöllum. Þar er sjúkraflutningamaður allan daginn til viðbragðs meðan ferðamannastraumurinn er. Það væri mjög gott og eins að vera með lögreglubíl þarna með stöðugt eftirlit. Það styttir allan viðbragðstíma. Í þessu tilfelli kemur fyrsti lögreglubíll frá Höfn og sá næsti var í Mýrdalnum. Þetta er æði langur akstur,“ segir Sveinn.Rútan sem valt á slysstað í gær.vísir/jóhann k.Enn verið að taka skýrslur af farþegum Spurður út í það hvers vegna slys eru svo tíð á þessum vegakafla sem um ræðir, hvort vegakaflinn og aðstæður séu sérstaklega slæmar eða hvort fjöldi ferðamanna sé svo mikill, segir Sveinn þetta vera sittlítið af hvoru. „Það er náttúrulega gríðarlega mikil umferð þarna bæði á stórum bílum og litlum bílum og alls konar farartækjum. Þetta er bara þessi tvíbreiði þjóðvegur 1 sem við erum að eiga við og mjög víða engar vegaxlir eða mjög háar vegaxlir. Vegurinn gefur þér ekkert rúm til mistaka, þú mátt ekki gleyma þér í hálfa sekúndu til þess að lenda ekki í einhverju stórkostlegu. Það er hluti af þessu og svo er þetta gríðarlegur fjöldi sem er að keyra þennan veg,“ segir Sveinn og bendir jafnframt á fjölda einbreiðra brúa á svæðinu. Hann segir að koma þurfi þessum hlutum í lag og segist bjartsýnn á að það gerist en hvenær það gerist sé annað mál. „Það eru allir að gera sitt besta, ég ætla engum annað en það. Vegagerðin er að reyna að spila úr sínum fjármunum eins og þeir telja skynsamlegast og eru allir af vilja gerðir að gera allt betra og öflugra,“ segir Sveinn. Sveinn segir að ekki sé enn búið að yfirheyra alla farþega en skýrslutökur hafa farið fram í dag. Ekki er búið að yfirheyra bílstjórann og heldur ekki þá sem fluttir voru alvarlega slasaðir á slysadeild í Fossvogi. Að sögn Sveins er ljóst að ekki voru allir farþegar rútunnar í bílbeltum en hversu margir voru í belti og hversu margir ekki liggur ekki nákvæmlega fyrir. Þá eru tildrög slyssins enn til rannsóknar. Björgunarsveitir Hornafjörður Rútuslys við Hof Samgönguslys Sjúkraflutningar Tengdar fréttir Þrír enn á gjörgæslu eftir slysið við Hof Fjórði einstaklingurinn hefur verið fluttur á bráðalegudeild spítalans. 17. maí 2019 10:38 Önnur þyrlan í skoðun og hin ekki útkallshæf Framkvæmdastjóri aðgerðasviðs hjá Landhelgisgæslunni segir útreikninga sýna að nóg sé að Gæslan hafi hjá sér þrjár þyrlur. 17. maí 2019 15:30 Bændur grófu farþega með skóflum undan rútunni Gunnar Sigurjónsson bóndi segir aðkomuna skelfilega. 17. maí 2019 15:46 Mest lesið Göngumaðurinn fannst látinn Innlent Kristrún segir mál sem skekið hafa Samfylkinguna ekki svarthvít Innlent Segir menn hafa skotið á gröfumann við vinnu Innlent Ná að stytta biðlista og kynjaskipta meðferðinni Innlent 30 tilvik skráð: „Alltaf einhverjir sem fara út af sporinu“ Innlent Maður handtekinn tvisvar í nótt fyrir sama brot Innlent „Ótrúlegt hvað er hægt ef maður hefur hugmyndaflugið“ Innlent Umdeild starfsemi hafi ekki áhrif á neysluvatn íbúa Innlent Fluttu sex á slysadeild eftir harðan árekstur í Breiðholti Innlent Henti barnungum „óþekkum“ sonum sínum í gólfið Innlent Fleiri fréttir Fannst fyrir botni Birnudals Segir menn hafa skotið á gröfumann við vinnu Fluttu sex á slysadeild eftir harðan árekstur í Breiðholti Umdeild starfsemi hafi ekki áhrif á neysluvatn íbúa Mikil stemning á Goslokahátíð í Vestmannaeyjum Göngumaðurinn fannst látinn „Ótrúlegt hvað er hægt ef maður hefur hugmyndaflugið“ 30 tilvik skráð: „Alltaf einhverjir sem fara út af sporinu“ Nýjar stofnanir hafi aðsetur á landsbyggðinni Maður handtekinn tvisvar í nótt fyrir sama brot Ná að stytta biðlista og kynjaskipta meðferðinni Kristrún segir mál sem skekið hafa Samfylkinguna ekki svarthvít Meira um ofbeldi og hótanir og starfsfólk upplifir óöryggi í vinnunni Glæsilegt gullregn og hlynur í Hveragerði Mikil og þétt umferð í dag Eldsneyti komið aftur í Staðarskála Aukið ofbeldi gegen heilbrigðisstarfsfólki og kosningar í Bretlandi Virðist ekki hafa dregið úr kvikuinnstreymi í Svartsengi Maðurinn fundinn en ekki hægt að segja til um ástand hans Henti barnungum „óþekkum“ sonum sínum í gólfið Ekkert eldsneyti í Staðarskála Ekki spurst til mannsins síðan snemma í gær Fjöldi erlendra meintra gerenda nær tvöfaldaðist á tveimur árum Kristrún fagnaði með Starmer: „Mikill innblástur fyrir okkur“ Segir Miðflokkinn vilja skreyta sig stolnum fjöðrum Taka fyrir nauðgun á táningsstúlku vegna vinnubragða Landsréttar Skjálfti suðvestur af Reykjanestá Vill gera smokkinn sexí aftur Tjaldstæðadólgur hótar að sverta staðinn á netinu Dæmdar tæplega fimmtíu milljónir fjórtán árum eftir handtökuna Sjá meira
Björgunarsveitarfólk sem var á leið á landsþing Landsbjargar á Egilsstöðum í gær var á meðal þeirra sem komu til aðstoðar á slysstað við Hof í gær þar sem að rúta með 32 kínverska ferðamenn auk ökumanns fór út af veginum. Björgunarsveitarmenn í björgunarsveitinni Kára í Öræfum voru fyrstir á vettvang. Viðbragð þeirra skiptir gríðarlegu miklu máli að sögn Sveins Kristjáns Rúnarssonar, yfirlögregluþjóns á Suðurlandi, þar sem 100 kílómetrar séu í hvora átt í sjúkraflutningamenn og annað viðbragð. Slysið í gær er þriðja stórslysið í umferðinni á 17 mánaða tímabili sem verður á um 100 kílómetra vegakafla frá Eldhrauni og inn í Öræfi að Hofgarði þar sem slysið varð í gær. Í desember 2017 varð alvarlegt umferðarslys í Eldhrauni þegar rúta með 44 kínverska ferðamenn fór út af Suðurlandsvegi, um sex kílómetra vestur af Kirkjubæjarklaustri. Tveir létust í slysinu og fjölmargir slösuðust alvarlega. Akkúrat ári síðar, þann 27. desember 2018, varð annað banaslys ekki langt frá Eldhrauni, eða um 50 kílómetra í austur, þegar jeppi fór fram af brúnni yfir Núpsvötn með þeim afleiðingum að þrír létu lífið og fjórir slösuðust alvarlega.Mikill viðbúnaður var vegna slyssins í gær.vísir/jóhann k.Á milli 60 og 70 manns komu að aðgerðunum Sveinn Kristján segir að björgunarsveitarmenn í Öræfum séu yfirleitt fyrstir á vettvang slysa á þessu svæði og svo var einnig í gær eins og áður segir. „Svo vildi heppilega til að það er landsþing Landsbjargar austur á Egilsstöðum þannig að það var slatti af fólki sem kom okkur til aðstoðar,“ segir Sveinn sem telur að á milli 60 og 70 manns hafi komið að aðgerðum í gær þegar allt er talið, til dæmis samhæfingarstöðin í Skógarhlíð og dönsku þyrluflugmennirnir sem flugu austur af herskipinu sem var í Reykjavíkurhöfn. Oddur Árnason, yfirlögregluþjónn á Suðurlandi, sagði í hádegisfréttum RÚV að mannslífum hafi líklega verið bjargað á slysstað í gær þar sem skamman tíma tók að lyfta rútunni og losa þá tvo farþega sem voru fastir undir henni. Sveinn Rúnar tekur undir þetta og segir það hafa gert gæfumuninn hversu hratt það gekk að losa farþegana undan rútunni.Sveinn Kristján Rúnarsson, yfirlögregluþjónn hjá Lögreglunni á SuðurlandiVísir/Stöð2Ansi langt í viðbragð Staðurinn þar sem slysið varð í gær er sá staður í umdæmi lögreglunnar á Suðurlandi þar sem hvað lengst er í viðbragð lögreglu og sjúkraflutninga. „Já, það er ansi langt í viðbragð. Næstu atvinnumenn eru 100 kílómetra í burtu í hvora átt þannig að við þurfum að treysta á björgunarsveitarmenn í Öræfum sem hafa staðið sig aftur og aftur eins og hetjur,“ segir Sveinn Rúnar. Hann segir aðspurður að það séu innan við tíu manns virkir í björgunarsveitinni Kára. Það er því ekki ofsögum sagt að það er mikið álag á ekki stærri sveit að koma ítrekað fyrst á vettvang í alvarlegum umferðarslysum. „Viðbragðið þarna skiptir gríðarlega miklu. Við eigum algjörar hetjur í Öræfunum sem hafa staðið sig alveg gríðarlega vel aftur og aftur og þarna á svæðinu. Þetta er alltaf sama fólkið. Ef við horfum líka á Klaustur og Vík og austur til Hafnar. Það er alltaf sama fólkið sem er að koma að þessum stóru atburðum þarna,“ segir Sveinn.Dönsk herþyrla var notuð til að ferja mannskap til og frá slysstað í gær.vísir/jóhann k.Væri mjög gott að hafa viðbragðsbíl og lögreglu á staðnum Sveinn tekur undir orð Elínar Freyju Hauksdóttur, læknis á Höfn, í viðtali við fréttastofu í gær þar sem hún sagði horft til þess að það verði að minnsta kosti sjúkraflutningamenn eða hjúkrunarfræðingur til staðar í Skaftafelli þar sem þúsundir manns koma daglega. „Það væri mjög gott að vera með í kringum Skaftafell eða á þessu svæði einhvern svipaðan viðbragðsbíl eins og er upp á Þingvöllum. Þar er sjúkraflutningamaður allan daginn til viðbragðs meðan ferðamannastraumurinn er. Það væri mjög gott og eins að vera með lögreglubíl þarna með stöðugt eftirlit. Það styttir allan viðbragðstíma. Í þessu tilfelli kemur fyrsti lögreglubíll frá Höfn og sá næsti var í Mýrdalnum. Þetta er æði langur akstur,“ segir Sveinn.Rútan sem valt á slysstað í gær.vísir/jóhann k.Enn verið að taka skýrslur af farþegum Spurður út í það hvers vegna slys eru svo tíð á þessum vegakafla sem um ræðir, hvort vegakaflinn og aðstæður séu sérstaklega slæmar eða hvort fjöldi ferðamanna sé svo mikill, segir Sveinn þetta vera sittlítið af hvoru. „Það er náttúrulega gríðarlega mikil umferð þarna bæði á stórum bílum og litlum bílum og alls konar farartækjum. Þetta er bara þessi tvíbreiði þjóðvegur 1 sem við erum að eiga við og mjög víða engar vegaxlir eða mjög háar vegaxlir. Vegurinn gefur þér ekkert rúm til mistaka, þú mátt ekki gleyma þér í hálfa sekúndu til þess að lenda ekki í einhverju stórkostlegu. Það er hluti af þessu og svo er þetta gríðarlegur fjöldi sem er að keyra þennan veg,“ segir Sveinn og bendir jafnframt á fjölda einbreiðra brúa á svæðinu. Hann segir að koma þurfi þessum hlutum í lag og segist bjartsýnn á að það gerist en hvenær það gerist sé annað mál. „Það eru allir að gera sitt besta, ég ætla engum annað en það. Vegagerðin er að reyna að spila úr sínum fjármunum eins og þeir telja skynsamlegast og eru allir af vilja gerðir að gera allt betra og öflugra,“ segir Sveinn. Sveinn segir að ekki sé enn búið að yfirheyra alla farþega en skýrslutökur hafa farið fram í dag. Ekki er búið að yfirheyra bílstjórann og heldur ekki þá sem fluttir voru alvarlega slasaðir á slysadeild í Fossvogi. Að sögn Sveins er ljóst að ekki voru allir farþegar rútunnar í bílbeltum en hversu margir voru í belti og hversu margir ekki liggur ekki nákvæmlega fyrir. Þá eru tildrög slyssins enn til rannsóknar.
Björgunarsveitir Hornafjörður Rútuslys við Hof Samgönguslys Sjúkraflutningar Tengdar fréttir Þrír enn á gjörgæslu eftir slysið við Hof Fjórði einstaklingurinn hefur verið fluttur á bráðalegudeild spítalans. 17. maí 2019 10:38 Önnur þyrlan í skoðun og hin ekki útkallshæf Framkvæmdastjóri aðgerðasviðs hjá Landhelgisgæslunni segir útreikninga sýna að nóg sé að Gæslan hafi hjá sér þrjár þyrlur. 17. maí 2019 15:30 Bændur grófu farþega með skóflum undan rútunni Gunnar Sigurjónsson bóndi segir aðkomuna skelfilega. 17. maí 2019 15:46 Mest lesið Göngumaðurinn fannst látinn Innlent Kristrún segir mál sem skekið hafa Samfylkinguna ekki svarthvít Innlent Segir menn hafa skotið á gröfumann við vinnu Innlent Ná að stytta biðlista og kynjaskipta meðferðinni Innlent 30 tilvik skráð: „Alltaf einhverjir sem fara út af sporinu“ Innlent Maður handtekinn tvisvar í nótt fyrir sama brot Innlent „Ótrúlegt hvað er hægt ef maður hefur hugmyndaflugið“ Innlent Umdeild starfsemi hafi ekki áhrif á neysluvatn íbúa Innlent Fluttu sex á slysadeild eftir harðan árekstur í Breiðholti Innlent Henti barnungum „óþekkum“ sonum sínum í gólfið Innlent Fleiri fréttir Fannst fyrir botni Birnudals Segir menn hafa skotið á gröfumann við vinnu Fluttu sex á slysadeild eftir harðan árekstur í Breiðholti Umdeild starfsemi hafi ekki áhrif á neysluvatn íbúa Mikil stemning á Goslokahátíð í Vestmannaeyjum Göngumaðurinn fannst látinn „Ótrúlegt hvað er hægt ef maður hefur hugmyndaflugið“ 30 tilvik skráð: „Alltaf einhverjir sem fara út af sporinu“ Nýjar stofnanir hafi aðsetur á landsbyggðinni Maður handtekinn tvisvar í nótt fyrir sama brot Ná að stytta biðlista og kynjaskipta meðferðinni Kristrún segir mál sem skekið hafa Samfylkinguna ekki svarthvít Meira um ofbeldi og hótanir og starfsfólk upplifir óöryggi í vinnunni Glæsilegt gullregn og hlynur í Hveragerði Mikil og þétt umferð í dag Eldsneyti komið aftur í Staðarskála Aukið ofbeldi gegen heilbrigðisstarfsfólki og kosningar í Bretlandi Virðist ekki hafa dregið úr kvikuinnstreymi í Svartsengi Maðurinn fundinn en ekki hægt að segja til um ástand hans Henti barnungum „óþekkum“ sonum sínum í gólfið Ekkert eldsneyti í Staðarskála Ekki spurst til mannsins síðan snemma í gær Fjöldi erlendra meintra gerenda nær tvöfaldaðist á tveimur árum Kristrún fagnaði með Starmer: „Mikill innblástur fyrir okkur“ Segir Miðflokkinn vilja skreyta sig stolnum fjöðrum Taka fyrir nauðgun á táningsstúlku vegna vinnubragða Landsréttar Skjálfti suðvestur af Reykjanestá Vill gera smokkinn sexí aftur Tjaldstæðadólgur hótar að sverta staðinn á netinu Dæmdar tæplega fimmtíu milljónir fjórtán árum eftir handtökuna Sjá meira
Þrír enn á gjörgæslu eftir slysið við Hof Fjórði einstaklingurinn hefur verið fluttur á bráðalegudeild spítalans. 17. maí 2019 10:38
Önnur þyrlan í skoðun og hin ekki útkallshæf Framkvæmdastjóri aðgerðasviðs hjá Landhelgisgæslunni segir útreikninga sýna að nóg sé að Gæslan hafi hjá sér þrjár þyrlur. 17. maí 2019 15:30
Bændur grófu farþega með skóflum undan rútunni Gunnar Sigurjónsson bóndi segir aðkomuna skelfilega. 17. maí 2019 15:46