Ofurstjarna Kúrekanna handjárnuð í Las Vegas

Hlaupari Dallas Cowboys, Ezekiel Elliott, lenti í útistöðum við fólk á tónlistarhátíð í Las Vegas um síðustu helgi.

Það endaði með því að Elliott var handjárnaður en þó ekki handtekinn. Á myndbandi frá TMZ má sjá Zeke á spjalli við konu og síðan rífast og ögra starfsfólki tónlistarhátíðarinnar. Í kjölfarið var hann járnaður.

Lögmaður Elliott segir að öryggisgæslan hafi lesið vitlaust í aðstæður og síðan brugðist vitlaust við því sem var í gangi.

Eliott yfirgaf svæðið eftir viðræður við yfirvöld og var mættur í fótboltabúðirnar sínar fyrir ungt fólk í Dallas um morguninn.