Sjáðu glæsimörk Arons og Guðjóns sem skutu Blikum á toppinn

Breiðablik er á toppnum í Pepsi Max-deild karla eftir að þeir grænklæddu unnu 3-1 sigur á grönnum sínum í Stjörnunni í kvöld.

Stjarnan komst yfir í leiknum en Ævar Ingi Jóhannesson kom þeim yfir á 48. mínútu. Fyrri hálfleikurinn var afar bragðdafur.

Aroni Bjarnasyni var skipt inn á hjá Blikum á 58. mínútu og eftir það breyttist leikurinn. Aron jafnaði metin með frábæru marki á 65. mínútu er hann skrúfaði boltann yfir Harald Björnsson í marki Stjörnunnar.

Annað mark Blika var ekki verra en þá skoraði Guðjón Pétur Lýðsson úr glæsilegri aukaspyrnu. Alexander Helgi Sigurðarson skoraði þriðja og síðasta markið í uppbótartíma, eftir frábæran sprett Arons.

Öll mörkin má sjá í spilaranum efst í fréttinni.