HK fær varnarmann á láni frá Haukum

HK hefur fengið varnarmanninn Alexander Frey Sindrason á láni frá Haukum út tímabilið.

Alexander, sem verður 26 ára á miðvikudaginn, hefur lengst af ferilsins leikið með Haukum.

Hann missti af öllu síðasta tímabili vegna meiðsla en hefur leikið 14 leiki í deild og bikar með Haukum í sumar.

Alexander er eini leikmaðurinn sem HK hefur fengið til sín í júlíglugganum.

Leikmannahópur HK er ekki sá stærsti og þá fara nokkrir leikmenn liðsins til náms erlendis á næstu vikum.

HK tekur á móti Stjörnunni í 14. umferð Pepsi Max-deild karla annað kvöld.