Sjáðu mörkin sem felldu Eyjamenn

ÍBV féll úr Pepsi Max-deild karla eftir 2-1 tap fyrir ÍA á Akranesi í dag. Eyjamenn leika því í næstefstu deild árið 2020, í fyrsta sinn frá 2008.

Einar Logi Einarsson kom Skagamönnum yfir á 44. mínútu með skalla eftir aukaspyrnu. Tryggvi Hrafn Haraldsson bætti svo öðru marki við úr vítaspyrnu á 61. mínútu.

Gary Martin minnkaði muninn með laglegu marki á 71. mínútu en nær komust gestirnir úr Eyjum ekki.

Þetta var fyrsti sigur ÍA síðan 6. júlí. Liðið er í 6. sæti deildarinnar.

Mörkin úr leiknum má sjá hér fyrir neðan.