„Þetta var mjög fínn leikur. Við byrjuðum frekar illa fyrstu tíu mínúturnar en þegar við byrjuðum að spila gekk þetta mun betur,“ sagði Birkir Bjarnason eftir 3-0 sigur Íslands á Moldóvu í undankeppni EM 2020 á Laugardalsvelli í kvöld. Birkir skoraði annað mark Íslendinga í leiknum.
Kolbeinn Sigþórsson braut ísinn á 31. mínútu. Birkir segir að markið hafi gert íslenska liðinu auðveldara fyrir.
„Það var gott að fá markið í fyrri hálfleik sem róaði okkur aðeins. Síðan vorum við traustir í seinni hálfleik,“ sagði Birkir.
„Þeir eru með fínt lið og spiluðu ágætlega. Við þurftum að mæta af fullum krafti í þennan leik og gerðum það og fengum þrjú stig.“
Ísland er á toppi H-riðils undankeppninnar með tólf stig af 15 mögulegum.
„Við hefðum sennilega tekið þetta fyrir undankeppnina. Við reynum að ná eins mörgum stigum og við getum og svo sjáum við hvort það dugi,“ sagði Birkir.
Íslenska liðið mætir því albanska ytra á þriðjudaginn.
„Þeir eru með hörkulið og þetta verður gríðarlega erfiður leikur. En við ætlum okkur þrjú stig,“ sagði Birkir að lokum.
Birkir: Mjög gott að fá markið í fyrri hálfleik
Tengdar fréttir
Kári: Af hverju að breyta vinningsliði?
"Það ætlast allir til þess að við vinnum svona leiki en það er engu að síður erfitt að vinna 3-0, það eru frábær úrslit,“ sagði miðvörðurinn Kári Árnason eftir sigur Íslands gegn Moldóvum í dag.
Einkunnir eftir sigurinn á Moldóvu: Kolbeinn bestur
Ísland vann sinn þriðja leik í röð þegar liðið bar sigurorð af Moldóvu, 3-0, á Laugardalsvelli í undankeppni EM í dag.
Munaði litlu að Hamrén reyndist berdreyminn
Erik Hamrén, þjálfari karlaliðs Íslands, var afslappaður þegar hann settist niður með blaðamönnum að loknum 3-0 sigri á Moldóvu á Laugardalsvelli í dag.
Umfjöllun: Ísland - Moldóva | Skyldusigur hjá strákunum
Strákarnir okkar áttu fullkomið síðdegi í Laugardalnum þar sem allt gekk upp.
Ari Freyr: Skil ekki af hverju það var ekki uppselt
Ari Freyr Skúlason átti þátt í tveimur mörkum gegn Moldóvu.
Gylfi: Styrkleikamerki að þetta sé enn sami hópurinn
Gylfi Þór Sigurðsson var sáttur með 3-0 sigur Íslands á Moldóvu í undankeppni EM 2020 í dag.
Þjálfari Moldóva hæstánægður með sína menn
Semen Altman, hinn 73 ára gamli þjálfari landsliðs Moldóvu, var ánægður með sína menn eftir 3-0 tapið gegn Íslandi í undankeppni EM á Laugardalsvelli í dag.
Aron Einar: Gerðum allt sem við ætluðum að gera
Landsliðsfyrirliðinn Aron Einar Gunnarsson var nokkuð sáttur með sína menn eftir 3-0 sigur Íslands á Moldóvu í undankeppni EM 2020 á Laugardalsvelli í dag.
Jón Daði: Fannst markið svo ljótt ég gat ekki fagnað
Jón Daði Böðvarsson sagði þriðja markið í leik Íslands og Moldóvu í undankeppni EM 2020 hafa verið sitt, en markið var upphaflega skráð sem sjálfsmark hjá UEFA.
Twitter eftir sigur Íslands: „Kolbeinn og landsliðið dæmi sem gengur upp“
Íslenska karlalandsliðið í fótbolta vann sannfærandi sigur á Moldóvu í undankeppni EM 2020 á Laugardalsvelli í dag.
Kolbeinn: Vildi gefa eitthvað til baka
Kolbeinn Sigþórsson þakkaði Erik Hamren traustið síðustu mánuði með því að skora fyrsta mark Íslands gegn Moldóvu í undankeppni EM 2020 á Laugardalsvelli í dag.
