Kjóstu besta leikmanninn og besta markið í Pepsi Max-deild karla í ágúst

Pepsi Max mörkin á Stöð 2 Sport hafa tilnefnt þá þrjá leikmenn og þau þrjú mörk sem koma til greina sem þau bestu í ágústmánuði.

Verðlaunin fyrir leikmann mánaðarins eru af glæsilegri gerðinni og koma frá Selected, Sjoppunni, Moroccanoil og Icelandair. Verðlaunin fyrir besta mark mánaðarins er í boði Adidas.

Þeir leikmenn sem koma til greina sem besti leikmaður ágústmánaðar í Pepsi Max deild karla eru Blikinn Thomas Mikkelsen, Valsmaðurinn Patrick Pedersen og KR-ingurinn Kristinn Jónsson.

Þeir sem áttu þrjú fallegustu mörk mánaðarins voru KR-ingurinn Pálmi Rafn Pálmason á móti HK, Stjörnumaðurinn Hilmar Árni Halldórsson á móti Val og FH-ingurinn Steven Lennon á móti ÍA.

Það má sjá öll þessi þrjú mörk sem koma til greina í myndbandinu hér fyrir neðan. Neðst í fréttinni, fyrir neðan myndböndin tvö, er síðan hægt að kjósa besta leikmanninn og besta markið.

Besti leikmaður Pepsi Max deildar karla í ágúst - tilnefningar

Klippa: Bestu leikmenn ágústmánaðar í Pepsi Max deild karla

Besta mark Pepsi Max deildar karla í ágúst - tilnefningar

Klippa: Bestu mörk ágústmánaðar í Pepsi Max deild karla