Undir áhrifum sterkrar fíkniefnablöndu með amfetamín í krukku

Lögreglan á Suðurnesjum stöðvaði í nótt ökumann á fertugsaldri sem reyndist vera undir áhrifum sterkrar fíkniefnablöndu, að því er sýnatökur á lögreglustöð sýndu. Þetta kemur fram í tilkynningu frá lögreglu á Suðurnesjum.

Í bifreið ökumannsins fannst svo meint amfetamín í krukku og við leit fundust tveir pokar af amfetamíni sem ökumaðurinn var með innanklæða. Hann ók jafnframt sviptur ökuréttindum.

Annar ökumaður sem einnig var tekinn úr umferð vegna gruns um fíkniefnaakstur ók sviptur ökuréttindum.