City þægilega áfram

Ríkjandi deildarbikarmeistarar Manchester City fóru þægilega áfram í 8-liða úrslit keppninnar eftir 3-1 sigur á Southampton á heimavelli.

Nicolas Otamendi kom Englandsmeisturunum yfir á 20. mínútu eftir sendingu Bernardo Silva. Sergio Aguero tvöfaldaði forystu City áður en fyrri hálfleikur var úti.

Argentínumaðurinn bætti svo öðru marki sínu við á 56. mínútu og staðan orðin nokkuð þægileg fyrir City.

Jack Stephens náði að klóra í bakkann fyrir Southampton á 75. mínútu en nær komust gestirnir ekki. Lokatölur urðu 3-1 og City komið áfram.