Fótbolti

Lewandowski með fjögur mörk á fjórtán mínútum

Ástrós Ýr Eggertsdóttir skrifar
Lewandowski er ótrúlega markviss
Lewandowski er ótrúlega markviss vísir/getty
Robert Lewandowski skoraði fjögur mörk á fjórtán mínútum í stórsigri Bayern München á Rauðu stjörnunni í Meistaradeild Evrópu í kvöld.

Leon Goretzka skoraði eina mark fyrri hálfleiks á 14. mínútu og kom gestunum frá Þýskalandi yfir.

Í seinni hálfleik var svo komið að Lewandowski að láta ljós sitt skína. Hann skoraði fyrsta mark sitt úr vítaspyrnu á 53. mínútu, og bætti svo við þremur í viðbót á næstu fjórtán mínútum og gerði út um leikinn.

Corentin Tolisso vildi vera með í markaveislunni og skoraði á síðustu mínútu venjulegs leiktíma og tryggði Bayern öruggan 6-0 sigur.





Juventus vann eins marks sigur á Atletico Madrid og tryggði sér toppsæti D-riðils. Paulo Dybal akoraði eina mark leiksins beint úr aukaspyrnu í uppbótartíma fyrri hálfleiks.

Manchester City náði einnig í toppsæti síns riðils með 1-1 jafntefli við Shakhtar Donetsk á heimavelli.

Ilkay Gündogan kom City yfir á 57. mínútu eftir sendingu frá Gabriel Jesus en Manor Solomon jafnaði metin fyrir gestina á 69. mínútu og þar við sat.

Meistaradeild Evrópu

Mest lesið


Fleiri fréttir

Sjá meira


×

Mest lesið