Sport­pakkinn: Á­huginn á hand­bolta­lands­liðinu ekki verið jafn mikill síðan 2007

Ekki hefur verið jafn mikill áhugi á íslenska karlalandsliðinu í handbolta síðan á HM 2007 í Þýskalandi.

Fjölmargir Íslendingar ætla að gera sér ferð til Malmö og fylgjast með landsliðinu á EM 2020. Uppselt er á fyrsta leik Íslands, gegn Danmörku 11. janúar.

„Við finnum fyrir gríðarlegum áhuga. Sjaldan eða aldrei hafa jafn margir miðar verið pantaðir. Við reiknum með að um 1000 Íslendingar verði á leiknum gegn Dönum. Á hinum tveimur leikjunum verða um 6-700,“ sagði Róbert Geir Gíslason, framkvæmdastjóri HSÍ, í samtali við Guðjón Guðmundsson í Sportpakkanum.

En hvað skýrir þennan aukna áhuga á landsliðinu?

„Það er margþætt. Liðið er ungt og spennandi og þessa kynslóðaskipti eru að ganga í gegn. Liðið er góðri leið,“ sagði Róbert.

Undirbúningur íslenska liðsins fyrir EM hófst formlega í dag. Hluti hópsins æfði þá í íþróttahúsi Gróttu á Seltjarnarnesi.

Fréttina í heild sinni má sjá hér fyrir neðan.