Teymið að baki QuizUp gefur út nýjan spurningaleik Vésteinn Örn Pétursson skrifar 19. júní 2020 15:45 Stofnendur Teatime. Frá vinstri: Ýmir Örn Finnbogason, Þorsteinn B. Friðriksson, Jóhann Þorvaldur Bergþórsson og Gunnar Hólmsteinsson. Teatime Íslenska tæknifyrirtækið Teatime, sem var stofnað af frumkvöðlunum sem stóðu að Plain Vanilla, sem gaf út spurningaleikinn QuizUp, hefur gefið út sinn fyrsta spurningaleik frá því að QuizUp fór sigurför um heiminn. Nýi leikurinn ber heitið Trivia Royale og er í formi smáforrits fyrir snjalltæki. Í samtali við Vísi segir Þorsteinn B. Friðriksson, einn stofnenda Teatime, að fyrirtækið hafi síðastliðin þrjú árið unnið að þróun tækni sem geri fólki kleift að spila leiki saman og eiga í persónulegri samskiptum hvort við annað en áður hefur sést. Þorsteinn er einn fjögurra stofnenda Teatime, fyrirtækisins sem stendur að baki leiknum.Teatime „Við höfum fengið til liðs við okkur ótrúlega mikið af góðu fólki og frábæra fjárfesta og höfum verið að þróa þetta. Við ákváðum að gera spurningaleik. Við höfum náttúrulega mjög mikla reynslu af því, QuizUp gekk til dæmis ótrúlega vel.“ Þorsteinn segir að eftir að Plain Vanilla seldi QuizUp hafi hann, samkvæmt samningi, ekki mátt gera spurningaleiki í nokkur ár. Sá tími sé nú liðinn og því hafi þeim hjá Teatime þótt prýðileg hugmynd að ráðast í gerð slíks leiks. Lengi dreymt um persónulegri leik Í leiknum, sem eins og áður sagði ber heitið Trivia Royale, búa notendur sér til svokallaðan „avatar,“ sem er einskonar birtingarmynd hvers spilara í leiknum. Þá geta notendur notað til þess að sýna viðbrögð sín og andlitshreyfingar meðan spilað er, með hjálp myndavéla þeirra snjalltækja sem spilað er á. „Það er búið að vera draumur minn lengi að gera leikina persónulegri svo maður virkilega finni að maður sé að spila við alvöru manneskju,“ segir Þorsteinn. Hann segir að teymið að baki leiknum hafi tekið mikla reynslu úr þróun QuizUp-leiksins með sér inn í verkefnið. „Við bætum inn í það þessar nýju tækni okkar til þess að gera leikina svona ,manneskju við manneskju.‘ Svo bætum við líka við hlut sem er mjög vinsæll núna, sem er svokallað Royale mót,“ segir Þorsteinn. Skjáskot úr leiknum.Teatime Þetta fyrirkomulag sem Þorsteinn nefnir gengur í grófum dráttum út á það að ákveðnum fjölda leikmanna er spyrnt saman, þar sem einstaklingar eða fámenn lið keppa á móti öllum öðrum leikmönnum, uns aðeins einn leikmaður eða lið stendur uppi sem sigurvegari. „Það er það sem Trivia Royale gengur út á. Þú ferð inn í leikinn og býrð til þinn karakter, ferð svo inn í Trivia Royale og þá ertu settur í hóp með þúsund öðrum spilurum út um allan heim. Þetta er svona eins og útsláttarkeppni, einn á móti einum. Ef þú vinnur fyrsta leikinn eru 500 eftir, og ef þú nærð að vinna alla og nærð að vera ,the last one standing,‘ eins og við köllum það, þá ertu Royale.“ Viðtökurnar með besta móti Þorsteinn segir að þrátt fyrir að leikurinn hafi komið út fyrir nokkrum dögum sé hann strax farinn að ná nokkru flugi og að viðtökurnar séu almennt góðar. Leikurinn er í fyrsta sæti yfir spurningaleiki á App-store, smáforritatorgi Apple, í Bretlandi, og 10. sæti yfir alla leiki þar í landi. Sömuleiðis er leikurinn í 17. sæti yfir smáforritaleiki í App-store í Bandaríkjunum. Þá hefur verið fjallað um Trivia Royale á erlendum fjölmiðlum. Til að mynda hafa vefsíður á borð við TechCrunch, VentureBeat og Yahoo fjallað um útgáfu leiksins. Smáforritið er til fyrir Apple-snjalltæki sem og Android, en Þorsteinn segir þó að meiri áhersla hafi hingað til verið lögð á þróun forritsins fyrir Apple-vörur. Um hundrað þúsund manns hafa nú sótt leikinn, að sögn Þorsteins. Eins og áður sagði er Þorsteinn einn stofnenda Teatime. Aðrir stofnendur fyrirtækisins eru þeir Jóhann Þorvaldur Bergþórsson, Ýmir Örn Finnbogason Gunnar Hólmsteinn Guðmundsson. Í heildina starfa um 20 manns hjá fyrirtækinu. Tækni Apple Leikjavísir Nýsköpun Mest lesið Ekkert tillit tekið til aðstæðna og ljóst að vöruúrval minnki Viðskipti innlent Framkvæmdastjóri Olís: „Ekki hleypa henni að græjunum“ Atvinnulíf Brutu lög við söluna á Íslandsbanka og greiða yfir 60 milljónir í sektir Viðskipti innlent Vilja að Musk fái allt að 122 billjónir á næsta áratug Viðskipti erlent Pakkarnir séu langt frá því að vera sambærilegir Viðskipti innlent Segir búið að „dauðadæma Vefjuna“ vegna ummæla Reynis Viðskipti innlent Ellefu prósent þjóðarinnar eiga ísvél Neytendur Síminn má dreifa efni Sýnar Viðskipti innlent Segir félaginu skylt að skipta sér af „sorgarvegferð“ Play Viðskipti innlent Hryllingssögur og dæmi: „Slúbbertar halda heilu stofnunum í gíslingu“ Atvinnulíf Fleiri fréttir Ekkert tillit tekið til aðstæðna og ljóst að vöruúrval minnki Brutu lög við söluna á Íslandsbanka og greiða yfir 60 milljónir í sektir Pakkarnir séu langt frá því að vera sambærilegir Síminn má dreifa efni Sýnar Húrra opnar þriðju verslunina á höfuðborgarsvæðinu Segir félaginu skylt að skipta sér af „sorgarvegferð“ Play Seldu samheitalyf við hvítblæði og HIV fyrir hundruð milljóna Ráðin nýr fagstjóri hjá Íslandsstofu Greiddu eina krónu fyrir Mannlíf Aukið samstarf opni á fleiri tengimöguleika til vesturstrandar Bandaríkjanna Bein útsending: Sjálfbærnidagur Landsbankans Tekur við starfi forstjóra Samkaupa Hætta með spilakassa á Ölveri Bein útsending: Ársfundur Grænvangs - Samstarf til framtíðar Flytja Emmessís í Grafarvog 78 sagt upp í þremur hópuppsögnum Tveir nýir framkvæmdastjórar hjá Póstinum Segir „vanstilltan“ starfsmann Icelandair kominn úr skotgröfunum Ráðinn nýr fjárfestingastjóri Ísafold Capital Partners Þrjár ráðnar til Krafts Bein útsending: Morgunfundur Svansins: Harðar kröfur – Auðvelt val Opnuðu 64 ný hjúkrunarrými á Hrafnistu í Kópavogi Kaupa bræðurna út: „Við vorum sammála um að vinna ekki lengur saman“ Flestir ánægðir með söluna á Íslandsbanka Samið um norðlenska forgangsorku „Þetta eru ekki alveg óvæntar fréttir“ Formaður FÍA hafi beina hagsmuni af því að ráðast gegn Play Selja hlut sinn í Skógarböðunum Spáir endalokum Play á Íslandi: „Fjárfestar voru lokkaðir að stofnun þessa félags“ Jón Gunnarsson til Samorku Sjá meira
Íslenska tæknifyrirtækið Teatime, sem var stofnað af frumkvöðlunum sem stóðu að Plain Vanilla, sem gaf út spurningaleikinn QuizUp, hefur gefið út sinn fyrsta spurningaleik frá því að QuizUp fór sigurför um heiminn. Nýi leikurinn ber heitið Trivia Royale og er í formi smáforrits fyrir snjalltæki. Í samtali við Vísi segir Þorsteinn B. Friðriksson, einn stofnenda Teatime, að fyrirtækið hafi síðastliðin þrjú árið unnið að þróun tækni sem geri fólki kleift að spila leiki saman og eiga í persónulegri samskiptum hvort við annað en áður hefur sést. Þorsteinn er einn fjögurra stofnenda Teatime, fyrirtækisins sem stendur að baki leiknum.Teatime „Við höfum fengið til liðs við okkur ótrúlega mikið af góðu fólki og frábæra fjárfesta og höfum verið að þróa þetta. Við ákváðum að gera spurningaleik. Við höfum náttúrulega mjög mikla reynslu af því, QuizUp gekk til dæmis ótrúlega vel.“ Þorsteinn segir að eftir að Plain Vanilla seldi QuizUp hafi hann, samkvæmt samningi, ekki mátt gera spurningaleiki í nokkur ár. Sá tími sé nú liðinn og því hafi þeim hjá Teatime þótt prýðileg hugmynd að ráðast í gerð slíks leiks. Lengi dreymt um persónulegri leik Í leiknum, sem eins og áður sagði ber heitið Trivia Royale, búa notendur sér til svokallaðan „avatar,“ sem er einskonar birtingarmynd hvers spilara í leiknum. Þá geta notendur notað til þess að sýna viðbrögð sín og andlitshreyfingar meðan spilað er, með hjálp myndavéla þeirra snjalltækja sem spilað er á. „Það er búið að vera draumur minn lengi að gera leikina persónulegri svo maður virkilega finni að maður sé að spila við alvöru manneskju,“ segir Þorsteinn. Hann segir að teymið að baki leiknum hafi tekið mikla reynslu úr þróun QuizUp-leiksins með sér inn í verkefnið. „Við bætum inn í það þessar nýju tækni okkar til þess að gera leikina svona ,manneskju við manneskju.‘ Svo bætum við líka við hlut sem er mjög vinsæll núna, sem er svokallað Royale mót,“ segir Þorsteinn. Skjáskot úr leiknum.Teatime Þetta fyrirkomulag sem Þorsteinn nefnir gengur í grófum dráttum út á það að ákveðnum fjölda leikmanna er spyrnt saman, þar sem einstaklingar eða fámenn lið keppa á móti öllum öðrum leikmönnum, uns aðeins einn leikmaður eða lið stendur uppi sem sigurvegari. „Það er það sem Trivia Royale gengur út á. Þú ferð inn í leikinn og býrð til þinn karakter, ferð svo inn í Trivia Royale og þá ertu settur í hóp með þúsund öðrum spilurum út um allan heim. Þetta er svona eins og útsláttarkeppni, einn á móti einum. Ef þú vinnur fyrsta leikinn eru 500 eftir, og ef þú nærð að vinna alla og nærð að vera ,the last one standing,‘ eins og við köllum það, þá ertu Royale.“ Viðtökurnar með besta móti Þorsteinn segir að þrátt fyrir að leikurinn hafi komið út fyrir nokkrum dögum sé hann strax farinn að ná nokkru flugi og að viðtökurnar séu almennt góðar. Leikurinn er í fyrsta sæti yfir spurningaleiki á App-store, smáforritatorgi Apple, í Bretlandi, og 10. sæti yfir alla leiki þar í landi. Sömuleiðis er leikurinn í 17. sæti yfir smáforritaleiki í App-store í Bandaríkjunum. Þá hefur verið fjallað um Trivia Royale á erlendum fjölmiðlum. Til að mynda hafa vefsíður á borð við TechCrunch, VentureBeat og Yahoo fjallað um útgáfu leiksins. Smáforritið er til fyrir Apple-snjalltæki sem og Android, en Þorsteinn segir þó að meiri áhersla hafi hingað til verið lögð á þróun forritsins fyrir Apple-vörur. Um hundrað þúsund manns hafa nú sótt leikinn, að sögn Þorsteins. Eins og áður sagði er Þorsteinn einn stofnenda Teatime. Aðrir stofnendur fyrirtækisins eru þeir Jóhann Þorvaldur Bergþórsson, Ýmir Örn Finnbogason Gunnar Hólmsteinn Guðmundsson. Í heildina starfa um 20 manns hjá fyrirtækinu.
Tækni Apple Leikjavísir Nýsköpun Mest lesið Ekkert tillit tekið til aðstæðna og ljóst að vöruúrval minnki Viðskipti innlent Framkvæmdastjóri Olís: „Ekki hleypa henni að græjunum“ Atvinnulíf Brutu lög við söluna á Íslandsbanka og greiða yfir 60 milljónir í sektir Viðskipti innlent Vilja að Musk fái allt að 122 billjónir á næsta áratug Viðskipti erlent Pakkarnir séu langt frá því að vera sambærilegir Viðskipti innlent Segir búið að „dauðadæma Vefjuna“ vegna ummæla Reynis Viðskipti innlent Ellefu prósent þjóðarinnar eiga ísvél Neytendur Síminn má dreifa efni Sýnar Viðskipti innlent Segir félaginu skylt að skipta sér af „sorgarvegferð“ Play Viðskipti innlent Hryllingssögur og dæmi: „Slúbbertar halda heilu stofnunum í gíslingu“ Atvinnulíf Fleiri fréttir Ekkert tillit tekið til aðstæðna og ljóst að vöruúrval minnki Brutu lög við söluna á Íslandsbanka og greiða yfir 60 milljónir í sektir Pakkarnir séu langt frá því að vera sambærilegir Síminn má dreifa efni Sýnar Húrra opnar þriðju verslunina á höfuðborgarsvæðinu Segir félaginu skylt að skipta sér af „sorgarvegferð“ Play Seldu samheitalyf við hvítblæði og HIV fyrir hundruð milljóna Ráðin nýr fagstjóri hjá Íslandsstofu Greiddu eina krónu fyrir Mannlíf Aukið samstarf opni á fleiri tengimöguleika til vesturstrandar Bandaríkjanna Bein útsending: Sjálfbærnidagur Landsbankans Tekur við starfi forstjóra Samkaupa Hætta með spilakassa á Ölveri Bein útsending: Ársfundur Grænvangs - Samstarf til framtíðar Flytja Emmessís í Grafarvog 78 sagt upp í þremur hópuppsögnum Tveir nýir framkvæmdastjórar hjá Póstinum Segir „vanstilltan“ starfsmann Icelandair kominn úr skotgröfunum Ráðinn nýr fjárfestingastjóri Ísafold Capital Partners Þrjár ráðnar til Krafts Bein útsending: Morgunfundur Svansins: Harðar kröfur – Auðvelt val Opnuðu 64 ný hjúkrunarrými á Hrafnistu í Kópavogi Kaupa bræðurna út: „Við vorum sammála um að vinna ekki lengur saman“ Flestir ánægðir með söluna á Íslandsbanka Samið um norðlenska forgangsorku „Þetta eru ekki alveg óvæntar fréttir“ Formaður FÍA hafi beina hagsmuni af því að ráðast gegn Play Selja hlut sinn í Skógarböðunum Spáir endalokum Play á Íslandi: „Fjárfestar voru lokkaðir að stofnun þessa félags“ Jón Gunnarsson til Samorku Sjá meira