Hvetur Íslendinga til að mæta á kjörstað

Guðni Th. Jóhannesson, forseti, segir það hafa verið gott að kjósa í morgun. Það sé mikilvægur réttur fólks og hvatti hann Íslendinga til að nýta kosningarétt sinn.

„Mér finnst mjög jákvætt að við Íslendingar getum státað af því að kjörsókn, alla jafna, er meiri en gengur og gerist víða í Evrópu og þótt víðar væri leitað. Mér finnst við eiga að reyna að halda í það,“ sagði Guðni á kjörstað í morgun.

Guðni sagði að þegar hann vaknaði í morgun hafi hann séð veðrið og hugsað: „Nú væri gaman að fara að kjósa.“

Forsetinn hjólaði á kjörstað frá Bessastöðum.