Hetjan úr bikarúrslitaleiknum áfram hjá ÍBV

Markvörðurinn Petar Jokanovic hefur skrifað undir nýjan samning til eins árs við handknattleiksdeild ÍBV.

Jokanovic kom til ÍBV fyrir síðustu leiktíð og varð bikarmeistari með liðinu. Hann átti stórleik í bikarúrslitaleiknum gegn Stjörnunni, varði 40% skota sem hann fékk á sig og var valinn maður leiksins.

Eftir því sem fram kemur á Facebook-síðu ÍBV er Jokanovic mjög ánægður með lífið í Vestmannaeyjum og hann ákvað því að taka annað tímabil með liðinu. Síðasta tímabil varð styttra en ella vegna kórónuveirufaraldursins en ÍBV hafnaði í 7. sæti Olís-deildarinnar.